स्याङ्जामा ट्याक्टर दुर्घटना हुँदा दुईको मृत्यु चार घाईते ।
स्याङ्जा :
स्याङ्जाको वालिङमा ट्याक्टर दुर्घटना हुँदा दुई जनाको मृत्यु भएको छ । वालिङ नगरपालिका–७ धोडेपानी स्थित वालिङ–चापाकोट पक्कि सडकखण्डमा वालिङबाट ढुङ्गा लिई चापाकोट तर्फ जाँदै गरेको लु. ३ त. ५१७३ नम्बरको ट्याक्टर दुर्घटनामा परेको हो ।
दुर्घटनामा परी स्याङ्जाको वालिङ–७ केवरका ६५ बर्षीय डोलराज कोईराला र कैलालीको टिकापुर ७ का ३५ बर्षीय राज कुमार चौधरीको मृत्यु भएको जिल्ला प्रहरी कार्यालय स्याङ्जाका सूचना अधिकारी तथा प्रहरी नायव उपरीक्षक प्रसन्न राज चौधरीले जानकारी दिनुभयो । उनीहरुलाई वालिङ प्राथमिक अस्पताल पुर्याउदा चिकित्सकले मृत घोषणा गरेको उहाँको भनाई छ ।
दुर्घटनामा परी ट्याक्टर चालक पश्चिम नवलपरासी सरल गाउँपालिका १ आनन्दनगर का २८ बर्षीय लाल बहादुर सुनार,कैलाली लम्की–५ पांचचौरका २२ बर्षीय श्याम चौधरी, सोही ठाउँका ३९ बर्षीय लक्ष्मण चौधरी र दाङको राप्ती गा.पा. ५ का ३५ बर्षीय हुकुम बहादुर दर्लामी मगर घाईते भएका प्रहरीको भनाई छ । उनीहरुलाई उपचारका लागि पोखरा पठाईएको छ ।
ट्याक्टर आफै अनियन्त्रित भई सडक देखि अन्दाजी १० मिटर तल खोल्सामा खस्न जाँदा दुर्घटना हुन पुगेको प्रहरीको भनाई छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


