कास्की कारगारबाट भागेका कैदी स्याङ्जामा पक्राउ ।

वालिङ :
कास्की कारागारबाट भागेका कैदी स्याङ्जामा पक्राउ परेका छन् । नव युवा समूह (जेनजी)को आन्दोलनको क्रममा भदौ २४ गते कास्की कारगारबाट भागेका स्याङ्जाको भीरकोट नगरपालिका–११ का ४० बर्षीय हिराबहादुर कुँवरलाई प्रहरीले पक्राउ गरेको हो ।
हाडनाता जवरजस्ती करणी मुद्दाका कैदी कुँवरलाई घरबाट नै पक्राउ गरिएको जिल्ला प्रहरी कार्यालय स्याङ्जाका सूचना अधिकारी प्रहरी नायव उपरीक्षक प्रसन्न राज चौधरीले जानकारी दिनुभयो ।
वडा प्रहरी कार्यालय वालिङ र प्रहरी चौकी दहथुम, स्याङ्जाबट खटिएको विशेष अप्रेसन टोलीले बुधबार कुँवरलाई पक्राउ गरिएको हो । पक्राउ परेका नेपालीलाइ आवश्यक कानूनी कारवाही अगाडि बढाईएको प्रहरीले जनाएको छ ।

Facebook Comments Box