आँधीखोला संचार सहकारीको २०औँ साधारण सभा सम्पन्न

वालिङ :

आँधीखोला संचार सहकारी संस्था तथा रेडियो आँधीखोला एफएम १०५.४ मेगाहर्ज वालिङ ८ स्याङ्जाको २०औँ साधारण सभा सम्पन्न भएको छ । शनिबार वालिङ ८ घ्याङलिङ स्थित रेडियो आँधीखोलाको सभाहलमा २०औँ साधारण सभा सम्वन्न भएको हो । साधारण सभाको उद्दघाटन गर्दै वालिङ नगरपालिका प्रमुख कृष्ण खांणले रेडिया स्थापना कालदेखि नैे समाजलाई सूसुचित गराउँदै आएको भन्दै बढ्दो प्रविधिका युगमा रेडियो आँधीखोलालाई समय सापेक्ष रुपमा परिमार्जन गर्दै लैजाउनुपर्नेमा जोड दिनुभयो ।

स्याङ्जाको पहिलो सामुदायिक रेडियोको दिगोविकासका लागी नगरपालिकाको सिमित स्रोतले भ्याएसम्म सहयोग गर्ने भन्दै समाजका सकरात्मक कामको उजागर गर्दै समाजका बेथितिलाई बाहिर ल्याउन संचारको भुमिका महत्वपुर्ण रहेको रेडियोका सेयर सदस्य समेत रहनुभएका प्रमुख खांणले बताउनुभयो ।

कार्यक्रममा गण्डकी प्रदेशका पुर्व सांसद तथा विधायन समितिका सभापति मोहन रेग्मीले रेडियोले आफ्ना गतिविधिलाई परिमार्जित गर्दै प्रविधिमय बनाउनुपर्ने सुझाव दिनुभयो । त्यस्तै रेडियोका निर्वतमान अध्यक्ष नेत्रप्रसाद पाण्डेले रेडियोले विभिन्न आरोहअवरोह झेल्दै अगाडि बढेको भन्दै जिल्लाको पहिलो रेडियो जोगाउन स्थानीय सरकार सरोकारवाला सबै एकजुट हुनुपर्नेमा जोड दिनुभयो ।

कार्यक्रममा रेडियोका पुर्व अध्यक्ष धु्रवप्रसाद शर्मापंगेनी, राष्ट्रिय जनमोर्चाका जिल्ला अध्यक्ष राजेन्द्र गैह्रे, नेकपा एमालेका नगर अध्यक्ष शोभाकान्त पौडेल, नेपाली कम्युनिष्ट पार्टीका नगर अध्यक्ष भक्तबहाुदुर गोतामे, नेपाल पत्रकार महासंघ स्याङ्जाका अध्यक्ष प्रदिप कोईरालालगायतले संचार जगतमा रेडियोको छुट्टै महत्व र पहिचान तथा आधिकारिकता रहेको बताउनुभएको थियो । कार्यक्रममा रेडियोका अध्यक्ष शान्ता थापाले अध्यक्षको प्रतिवेदन प्रस्तुत गर्दै रेडियोलाई २०औँ वर्षसम्म ल्याउन सहयोग गर्नुहुँने तत्कालित कार्यसमितिहरु, विज्ञापनदाता, कर्मचारी, सेयर सदस्य तथा सरोकारवाला सबैलाई धन्यवाद व्यक्त गर्दै प्राकृतिक विपत्तिले रेडियोलाई ठुलो क्षति पु¥याएको जानकारी गराउनुभयो ।

रेडियोलाई आगामी दिनमा थप सशक्त रुपमा अगाडि बढाउन प्रविधिमैत्रि बनाउने, रेडियोको आर्थिक विकासका लागी स्थानीय, प्रदेश तथा केन्द्र सरकारसंग सहकार्य गर्ने, रेडियोमा प्रसारित कार्यक्रमहरुको गुणस्तरीयतामा वृद्धि गर्दै स्रोतामैत्रि कार्यक्रम संचालन गरिने बताउनुभयो । कार्यक्रममा सचिव कोषाध्यक्ष हिमलाल पराजुली, कोषाध्यक्ष विमल अर्याल, लेखा तथा सुपरिवेक्षण समिति संयोजक तोयनारायण रेग्मी र प्रबन्धक तोलाकान्त बगालेले आ–आफ्ना प्रतिवेदन प्रस्तुत गर्नुभएको थियो । कार्यक्रममा उत्कृष्ठ विज्ञापन दाता डब्लू आईसि कम्प्युटर तथा तारादेवि ब्लक उद्योग र मल्ला फार्मेसी वालिङ, नियमित स्रोता वालिङ ८ का कृष्णप्रसाद कोईराला, स्थापनाकालदेखि हालसम्म कार्यरत कर्मचारीको रुपमा स्टेशन म्यानेजर तोलाकान्त बगालेलाई सम्मानपत्र र दोसल्लाले सम्मान गरिएको थियो भने संस्थाबाट स्वेच्छिक अवकाश लिनुभएका ६ जना कर्मचारीहरुलाई पनि प्रसंसा पत्र सहित विदाई गरिएको थियो ।

कार्यक्रम संस्थाका अध्यक्ष शान्ता थापाको अध्यक्षतामा सम्पन्न भएको थियो भने स्वागत सदस्य अमृत खनाल र संचालन सचिव हिमलाल पराजुलीले गर्नुभएको थियो । २०६३ सालमा स्थापना भएको संचार सहकारीमा अहिले ४८० जना सेयर सदस्यहरु रहेका छन् । संस्थाद्धारा सञ्चालित रेडियो अहिले दैनिक १८ घण्टा प्रसारणमा रहेको छ भने रेडियो गण्डकी र लुम्बिनी जिल्लाका १७ जिल्लामा १०५.४ मेगाहर्ज फ्रिक्वेन्सीमा सुन्न सकिन्छ भने वेब साईट र हाम्रो पात्रो एम मार्फत अनलाईनमा विश्वभर सुन्न सकिन्छ ।

Facebook Comments Box

सेरोफेरो

थप सामाग्री

स्याङ्जामा बाँदर आतंक ‘पाकेको बाली भित्राउनै पाउँदैनन् किसान’

सहकारीको ऋण समयमै चुक्ता नगरे कडा कानुनी कारबाही गरिने

वालिङले ‘एक स्वास्थ्य’ नीति लागू गर्ने

समाचार

थप सामाग्री
वालिङमा शिक्षक मेन्टरिङ तालिम सम्पन्न, नवप्रवेशी शिक्षकलाई प्रमाणपत्र
३ हप्ता अगाडि

वालिङ : वालिङ नगरपालिकाले शिक्षकहरूको पेशागत क्षमता अभिवृद्धि तथा विद्यालय शिक्षाको गुणस्तर सुधार गर्ने उद्देश्यले सञ्चालन गरेको शिक्षक मेन्टरिङ कार्यक्रम…

वालिङले ‘एक स्वास्थ्य’ नीति लागू गर्ने
३ हप्ता अगाडि
हल गोरु पाल्ने कृषकलाई पाँच हजार
३ हप्ता अगाडि
स्याङ्जामा सुरक्षित पर्यटक सचेतना अभियान
३ हप्ता अगाडि

Recent Posts

TOP