निर्वाचन होईन जनमत संग्रह : प्रसाईँ

वालिङ :

नागरिक बचाउ महाअभियानका संयोजक दुर्गा प्रसार्इँले नागरिकलाई निर्वाचन होईन जनमत संग्रह आवश्यक रहेकोे बताउनुभएको छ । विहिबार स्याङ्जाको वालिङमा सम्बोधन गर्दै प्रसाइँले दल, जातजाती, धर्म भन्दा देश ठुलो भएको भन्दै देशलाई बचाउने महाअभियानको अभिभारा बोकेर आँफू अगाडि बढेको बताउनुभएको छ ।

नेपाल जस्तो देशले संघिय प्रणाली थेग्न नसक्ने भन्दै यो व्यवस्था फेल भईसकेको प्रसाईँको भनाई थियो । उहाँले भन्नुभयो, “बैंक तथा वित्तिय संस्थाले सर्वहारा नागरिकलाई बाँच्न दिएको छैन् । कर र विभिन्न बहानामा नागरिकसंग पैसा असुल्ने र मर्न बाध्य बनाउने परिस्थिति सृजना गरिएको छ । यसका लागी नागरिक बचाउ महाअभियानको स्थापना गरिएको हो ।” नागरिकले बैंक तथा वित्तिय संस्थासंग लिएको ऋण तिनुपर्छ तर सर्वहारा जो तिर्न नसक्ने अवस्थामा छ त्यस्तालाई मिनाहा गर्नुपर्ने आफ्नो अभियानको माग रहेको प्रसार्इँले बताउनुभयो ।

जेनजि आन्दोलनको प्रसंग उल्लेख गर्दै प्रसाईँले भदौ २४ गते देशको गरिमा बोकेका संरचना जलाईनु र रबिलाई छुटाउनु निकै षड्यन्त्रपुर्वक गरिएको बताउनुभयो । उहाँले भन्नुभयो, “अहिले फेरि तिनै व्यक्तिहरु प्रधानमन्त्रीको भागभण्डा गर्दैछन् रे प्रधानमन्त्रीको भागभण्डा त कांगे्रस, एमाले र माओवादीले पनि गरेकै थिए । ति पार्टी र वर्तमान परिप्रेक्षमा हाई हाई बनाईएका व्यक्तिमा केहि फरक देखियो त ?” अब नागरिकले हरेकको मुल्यांकन गर्न आवश्यक रहेको भन्दै व्यापार व्यवसाय गरेर बैंकको ऋण तिर्ने वातावरण बनाईनुपर्नेमा उहाँको जोड थियो ।

Facebook Comments Box