वालिङ वैकर्स क्लवको अध्यक्षमा मुक्तिनाथ वैकका काफ्ले

वालिङ :

वालिङ बैंकर्स क्लबको नयाँ नेतृत्व चयन भएको छ । बुधबार सम्पन्न अधिवेशनले मुक्तिनाथ विकास बैंक वालिङ शाखाका प्रबन्धक नवीन काफ्लेलाई सर्वसम्मत रूपमा अध्यक्षमा चयन गरेको हो ।

क्लवका अध्यक्ष प्रेम अर्यालको अध्यक्षतामा सम्पन्न अधिवेशनमा आफ्नो कार्यकालको समितिको कार्यकाल समीक्षा र नयाँ नेतृत्व चयन गरिएको थियो ।

कार्यक्रममा बोल्दै अध्यक्ष अर्यालले क्लबले विगतका गतिविधिबाट समाजमा वित्तीय सचेतना अभिवृद्धि गर्न र विभिन्न बैंक तथा वित्तीय संस्थाबीच सहकार्य र समन्वयका लागि महत्वपूर्ण भूमिका निर्वाह गरेको बताए । उनले क्लबको आगामी कार्यकालमा अझ सशक्त रूपमा साझा हितका कार्यक्रम अघि बढ्ने विश्वास व्यक्त गरे ।

नव–निर्वाचित समितिको उपाध्यक्षमा दीपक काफ्ले, सचिव मणीप्रसाद वश्याल, कोषाध्यक्षमा महेश गौतम सह–सचिव , कृष्णप्रसाद काफ्ले, सदस्य कमलराज रेग्मी र दर्शना भट्टराई चयन भएका छन् ।

क्लबका नवनिर्वाचित अध्यक्ष काफ्लेले सबै बैंक तथा वित्तीय संस्थाबीच एकता, सहकार्य र समुदायप्रतिको दायित्वमा क्लब सदैव अग्रसर रहने प्रतिबद्धता व्यक्त गरेका छन् ।

कार्यक्रममा गरिमा विकाश वैकका क्षेत्रिय प्रमुख लेखनाथ भट्टराईले नव निर्वाचित कार्यसमितिलाई बधाई तथा शुभकामना दिएका थिए ।

Facebook Comments Box