कवि अर्यालको पहिलो साहित्यिक कृति ‘अङकुर’को विमोचन

स्याङ्जा :

कवि राधिका अर्याल (राधा) को पहिलो साहित्यिक कृति ‘अङकुर’को विमोचन तथा विमर्श गरिएको छ ।

स्याङ्जामा साहित्यिक पुनर्जागरणको छैटौँ वर्षोत्सवको सन्दर्भ तथा स्वर्गीय त्रिभुवन अर्यालको ११ औँ वार्षिक पुण्यतिथिमा वैकल्पिक बाटो पृथक पाइला सिर्जनात्मक अभियान २०७६, स्याङ्जाको संयोजनमा वालिङ– १, त्रियासीमा विमोचन तथा विमर्श गरिएको हो ।

कविताको सङ्ग्रहको विमोचन वरिष्ठ साहित्यकार व्यक्तित्व देवीप्रसाद वनवासी लगायतले गर्नु भएको हो । विमोचनसँगै वनवासीलाई मायाको दोसल्ला ओढाएर सम्मान समेत गरिएको थियो ।

कविता कृतिको विमोचन पश्चात कवि राधिका अर्याल राधाको कविता लेखन माथि विष्णु सुवेदी गैह्रे र दीपक लम्सालले समीक्षा गर्नु भएको थियो । कवि राधाले प्रकाशित र मिलन समीरद्वारा भाषिक सम्पादन गरिएको यस कृतिमा विभिन्न समसामयिक विषय, प्रसङ्ग र सन्दर्भ सँग सम्बन्धित ५६ वटा कविताहरु समावेश गरिएको छ ।

कार्यक्रममा स्रष्टाहरु प्रेमबन्धु सुवेदी, इन्द्रप्रसाद पाठक, गुरुप्रसाद ढकाल, वसन्त खनाल, शम्भु अर्याल, पूजा रेग्मी, लेखनाथ काफ्ले, शोभाकान्त रेग्मी, ढालबहादुर केसी, खगेन्द्रजंग थापा, पारिश्वर न्यौपाने, चण्डिकाप्रसाद भट्टराई, सागर काफ्ले, सरस्वती अर्याल काफ्ले, डालकुमारी रेग्मी, दमकुमारी बगाले लगायतले रचनाहरु प्रस्तुत गर्नु भएको थियो ।

काठमाडौंमा जन्मिएर स्याङ्जामा हुर्किबढ्नु भएकी कवि राधाले त्रिभुवन विश्वविद्यालयबाट समाजशास्त्रमा शास्त्री र टोरोन्टो मेट्रोपोलीटियन युनिभर्सिटीबाट नर्सिङ विषयमा स्नातकोत्तर गर्नु भएको छ । राधाले शिक्षण अस्पतालमा २१ वर्ष सेवा पुरा गरेर हाल ओन्टारियो, क्यानडामा नर्सिङ व्यवस्थापकको रूपमा क्रियाशील रहनु भएको छ ।

सानै उमेरदेखि नै साहित्य, व्यवहारिक शिक्षा र समाजसेवामा रुचि राख्ने अर्यालका थुप्रै सूचनामुलक लेख रचनाहरु स्वदेश तथा विदेशबाट प्रकाशित हुँदै आएका पत्र– पत्रिकामा समावेश भएका छन् ।

सेरोफेरो

थप सामाग्री

कालीगण्डकीका कृषकले तिहारमा कमाए १६ लाख

हट्यो कर्फ्यू, सामान्य बन्दै स्याङ्जा

छोराको अनुहार हेरेर मर्ने रहर

समाचार

थप सामाग्री

• 

  करदाता सेवा कार्यालय खारेज

• 

  यस्तो छ आजको मौसम पूर्वानुमान

• 

  गल्याङ बहुमुखी क्याम्पसकाे प्रमुखमा टिकाराम बस्याल ‘विवेक’  ।

• 

  धानको पाँजा रुझेपछि कृषक चिन्तित

• 

  ‘पढ्दै, कमाउँदै’ विद्यालयको जग्गामा नर्सरी

फूल बेचेर राम्रो आम्दानी गर्दै चापाकोटका कृषक भण्डारी ।

२ हप्ता अगाडि

राधाकृष्ण डुम्रे/वालिङ : स्याङ्जाको चापाकोट नगरपालिका–१, बेलडाँडाका कृषक तुलसीराम भण्डारीले फूल बिक्री गरेर राम्रो आम्दानी गर्नुभएको छ । भण्डारीले यो…

साहित्यकार अर्याल र पल्लव सम्मानित

२ हप्ता अगाडि

खुमा अर्याल फाउण्डेशनको सातौं साधारण सभा सम्पन्न ।

२ हप्ता अगाडि

मोटरसाइकल दुर्घटनामा वरिष्ठ कृषि अधिकृत लम्सालको मृत्यु

२ हप्ता अगाडि