धानको पाँजा रुझेपछि कृषक चिन्तित
राधाकृष्ण डुम्रे/स्याङ्जा :
काटेर खेतमै सुकाएको धानको पाँजा रुझेपछि स्याङ्जाका कृषक चिन्तित बनेका छन् ।
मङ्गलबार बिहानबाट परेको बेमौसमी वर्षाले धान बालीमा क्षति पुर्याएको हो । वर्षाले भित्राउन ठिक्क परेको धानको पाँजा रुझाएको छ भने काट्न ठिक्क परेको धान खेतमा नै झारी दिएको छ ।
वर्ष दिनसम्म खाने धान बाली भिजाएपछि कृषकलाई चिन्ता परेको छ । वालिङ नगरपालिका–८ का कृषक खेमकान्त कोइरालाले ४ रोपनी खेतमा लगाएको धान खेतमा नै रुझेको छ । वर्ष भरी खाने धान नराम्रोसँग रुझ्दा आफू चिन्तित भएको उहाँले बताउनु भयो ।
स्याङ्जाका धेरै कृषक यती बेला चिन्तामा छन्, तिहार मनाएर धान भित्र्याउने तयारी गरेको कृषकलाई ठुलो वर्षाले चिन्तित बनाएको हो ।
जिल्ला कृषि ज्ञान केन्द्र स्याङ्जाका प्रमुख विनोद हमालका अनुसार बेमौसमी झरीले जिल्लाका अधिकांश क्षेत्रमा पाकेर काटेको धान भिझाएको छ । धान भिझेर कति क्षती हुन्छ त्यस्को विवरण सङ्कलन गर्न समय लाग्ने हमालले बताउनु भयो ।
जिल्लाका ११ वटै पालिकामा धान बाली लगाइने गरेको छ । आँधी खोला किनार, कालीगण्डकी नदी किनार, ज्याग्दीखोला किनार, चापाकोट टार, रत्नपुर, कुवाकोट, गल्याङका क्षेत्र, सेती दोभान फाँटहरू र बिरुवा फाँटहरू धान खेतीका उर्वर क्षेत्र हुन ।
स्याङ्जामा सावित्री, मन्सुरी, रामधान,हाइब्रिड प्रकृतिका साथै केही उन्नत जातका धान खेती गरिन्छन् भने केही ठाउँमा स्थानीय जातका धान पनि रोप्ने गरिन्छ ।
राति नै पुगे कृषक खेतमा
गएरातिबाट हल्का वर्षा सुरु भएसँगै जिल्लाका धेरै कृषक धान भित्राउन राति नै खेतमा पुगेका थिए । केही दिन पानी पर्न सक्ने भन्दै मौसमबिद्ले सूचना जारी गरेको भन्दै कृषकले सम्भव हुने धानलाई सुरक्षित तरिकाले राख्न सक्रिय भएका हुन् ।
यहि मौका छोपेर धान भित्राउन खेतमा पुगको वालिङ नगरपालिका–१० का किसान कृष्णबहादुर थापाले बताउनु भयो । उहाँले भन्नुभयो,“पानी पर्ने नै भयो काटेर सुकाएको धान एकै ठाउँमा जम्मा गरेर त्रिपालले ढाकेर सुरक्षित बनाउन सकिन्छ कि भनेर राति नै खेतमा आएका हौं ।”
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


