सिद्धार्थ राजमार्ग स्याङ्जा वालिङ सडक खण्ड सुचारु ।
स्याङ्जा :
सिद्धार्थ राजमार्ग अन्तर्गत स्याङ्जा जिल्लाको भीरकोट नगरपालिका-१ स्थित बयरघारीमा आज बिहान गएको पहिरोका कारण दुई घण्टा सडक अबरुद्ध भएको छ। बिहान ठीक ८ बजे अचानक खसेको पहिरोले दुवै तर्फको सवारी आवागमन पूर्ण रूपमा ठप्प भएको थियो।
घटनापछि भीरकोट नगरपालिका र सडक डिभिजन कार्यालयको पहलमा तत्काल उद्धार कार्य सुरु गरिएको थियो। स्थानीय स्तरमा संयोजन गरी आवश्यक उपकरण तथा जनशक्ति परिचालन गरिएको थियो। करिब दुई घण्टाको प्रयासपछि, बिहान १० बजे सडक पुनः सञ्चालनमा ल्याइएको जिल्ला प्रहरी कार्यालय स्याङ्जाले जनाएको छ।
सडक खुलेसँगै रोकिएका सवारी साधनहरु गन्तव्यतर्फ गएका छन्। हाल सडक एकतर्फी रूपमा खुलाइएको छ भने थप पहिरोको जोखिमलाई ध्यानमा राख्दै आवश्यक सतर्कता अपनाइएको भीरकोट नगरपालिकाका प्रमुख गोविन्द कुमार कर्माचार्यले जानकारी दिएका छन्।
स्थानीय बासिन्दाहरूले वर्षातको समयमा बारम्बार यस्ता पहिरो खस्ने गरेको र दीर्घकालीन समाधानका लागि स्थायी व्यवस्था आवश्यक रहेको बताएका छन्। पहिरोबाट ३ वटा घरमा आंशिक क्षती हुन पुगेको छ ।


Facebook Comments Box
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


