स्याङ्जा प्रशासनद्धारा उपभोक्ता सचेतना सम्बन्धी प्रशिक्षण

स्याङ्जा :

जिल्ला प्रशासन कार्यालय स्याङ्जाले शुक्रवार उपभोक्ता सचेतना सम्बन्धी प्रशिक्षण गराएको छ ।

स्थानीय बजारको उचित ब्यवस्थापनमा उपभोक्ताका जिम्मेवारीका बारेमा सेचतना दिने उदेश्यले अन्र्तक्रिया सहितको प्रशिक्षण कार्यक्रम गरिएको प्रमुख जिल्ला अधिकारी इश्वरीप्रसाद अर्यालले जानकारी दिनुभयो ।

प्रजिअ अर्यालले भन्नुभयोे, ‘उपभोग्य बस्तुको ब्यापक क्षेत्र छ । सेवा प्रवाहदेखि विकास निर्माण र खाद्य लगायत ब्यक्तिसंग जोडिने हरेक बस्तुमा उपभोक्ता जोडिएर आएको पाईन्छ ।’

सोही कार्यक्रममा सहायक प्रमुख जिल्ला अधिकारी दिपक पोैडेलले स्थानीय बजार ब्यवस्थापन र उपभोक्ता सचेतना सम्बन्धी, पुतलीबजार नगर पशु चिकित्सक डा. अनिल चौधरीले मासु तथा दुधजन्य पदार्थ खरिद गर्दा अपनाउनु पर्ने बिधि सम्बन्धी कार्यपत्र प्रस्तुत गर्नुभएको थियो ।

यसैगरी, जनस्वास्थ्य अधिकृत अस्मिता भण्डारीले पोषण तथा बजार अनुगमन सम्बन्धी र ल्याब प्राबिधिक पृथ्वी लामिछानेले बिषादी रहित खाद्य तथा पोषण सम्बन्धी छुट्टाछुट्टै कार्यपत्र प्रस्तुत गर्नुभयो ।

कार्यपत्रमाथि प्रहरी उपरीक्षक दधिराम न्यौपाने, नागरिक समाजका अध्यक्ष ओमप्रकाश शर्मा, स्याङ्जा जिल्ला उद्योग वाणिज्य संघ स्याङ्जाका अध्यक्ष महादेव श्रेष्ठ, उपभोक्ता मंचका अध्यक्ष राजेन्द्र मरासीनी, च्याम्बर अफ कमर्शका सचिव ओमप्रसाद पौडेल, व्यवसायी सुन्दर श्रेष्ठ लगायत स्थानीय उपभोक्ताहरुले जिज्ञासा सहित आ आफना धारणाा सहितका राय सुझाव दिनुभएको थियो ।

यसैगरी, सहायक प्रजिअको संयोजकत्वमा गठित अनुगमन समितिले स्याङ्जा जिल्लाभरका १२ स्थानका झण्डै १ सय ५० वटा बिभिन्न पसल तथा ब्यावसायिक फर्मको अनुगमन तथा निरीक्षण गरेको संयोजक पौडेलले जानकारी दिनुभयो । उहाँका अनुसार, ‘अनुगमन, निरीक्षणका क्रममा ब्यावसायिक सुझाव, मिति गुर्जेका सामानहरु नष्ट सहित ४ लाख ५० हजार जरिवाना गरिएको सप्रजिअ पौडेलले बताउनुभयो ’।

सो कार्यक्रममा स्थानीय ब्यापारी, व्यवसायी, उपभोक्ताहरुको सहभागिता थियो ।

Facebook Comments Box