स्याङ्जाको विरुवा र अर्जुनचौपारीमा गरिमा विकास बैंकका नयाँ शाखा खुले

वालिङ :

गरिमा विकास बैंक लिमिटेडले आज स्याङ्जाका छुट्टाछुट्टै दुई स्थानमा शाखा विस्तार गरी सेवा सुरु गरेको छ ।
बैंकले बिरुवा गाउँपालिका १ को केन्द्र भाग बिरुवा बजार र अर्जुनचौपारी गाउँपालिका १ को केन्द्र भाग अर्जुनचौपारी बजारमा शाखा स्थापना गरेको हो । गरिमा विकास बैंकले बिरुवा गाउँपालिकामा १२५ औं शाखा र अर्जुनचौपारीमा १२६ औं शाखा कार्यालय स्थापना गरी कारोवार थालनी गरेको बैंकका प्रमुख कार्यकारी अधिकृत माधवप्रसाद उपाध्यायले बताउनुभयो ।

बिरुवा गाउँपालिकामा स्थापना भएको शाखाको नेपाल राष्ट्र बैंक बैंक तथा वित्तीय संस्था नियमन विभागका कार्यकारी निर्देशक गुरुप्रसाद पौडेलले भर्चुअल माध्यमबाट उद्घाटन गर्नुभएको हो ।
उद्घाटन कार्यक्रममा गरिमा विकास बैंकका अध्यक्ष दिलीपप्रताप खाँण, बिरुवा गाउँपालिकाका अध्यक्ष सूर्यबहादुर कुँवर, बैंकका सञ्चालक दीपेन्द्र श्रेष्ठ, बैंकका कार्यकारी प्रमुख माधवप्रसाद उपाध्याय, वडा नं १ का वडा अध्यक्ष राजेन्द्रकुमार केसी, बैंकका कम्पनी सचिव अनिल रेग्मीलगायतले शुभकामना मन्तब्य ब्यक्त गर्नुभएको बिरुवा शाखाका प्रमुख प्रकाश कडेलले बताउनुभयो ।

त्यस्तै अर्जुनचौपारी शाखाको पनि नेपाल राष्ट्र बैंक बैंक तथा वित्तीय संस्था नियमन विभागका कार्यकारी निर्देशक गुरुप्रसाद पौडेलले भर्चुअल माध्यमबाट उद्घाटन गर्नुभएको हो ।
उद्घाटन समारोहमा गरिमा विकास बैंकका अध्यक्ष दिलीपप्रताप खाँण, अर्जुनचौपारी गाउँपालिकाका उपाध्यक्ष सपना गुरुङ, बैंकका सञ्चालक शोभाकान्त ढकाल, बैंकका कार्यकारी प्रमुख माधवप्रसाद उपाध्याय, वडा नं १ का वडा अध्यक्ष रणबहादुर थापा, बैंकका कम्पनी सचिव अनिल रेग्मीलगायतले शुभकामना मन्तब्य ब्यक्त गर्नुभएको थियाे ।

स्याङ्जाका छुट्टाछुट्टै दुई स्थानमा शाखा विस्तार गरेसँगै अब जिल्लामा गरिमाका एघार वटा शाखा भएका छन् । स्याङ्जाको वालिङ, गल्याङ, भीरकोट, चापाकोट, पुतलीबजार, कालीगण्डकी, बिरुवा, अर्जुनचौपारीमा शाखा स्थापना गरी बैंकिङ सेवा दिएको बैंकका अध्यक्ष दिलीपप्रताप खाँणले बताउनुभयो । जिल्लाका एघार स्थानीय तहमध्ये हरिनास, आँधीखोला र फेदीखोला गाउँपालिकामा बैंकको शाखा नपुगेकाले अब ती ठाउँहरुमा पनि शाखा विस्तार गर्ने तयारीमा बैंक रहेको अध्यक्ष खाँणले बताउनुभयो ।

सेरोफेरो

थप सामाग्री

स्याङ्जामा बाँदर आतंक ‘पाकेको बाली भित्राउनै पाउँदैनन् किसान’

सहकारीको ऋण समयमै चुक्ता नगरे कडा कानुनी कारबाही गरिने

वालिङले ‘एक स्वास्थ्य’ नीति लागू गर्ने

समाचार

थप सामाग्री

• 

  स्याङ्जामा ३४४ एचआईभी संक्रमित, वालिङ सबैभन्दा धेरै

• 

  सहकारीको ऋण समयमै चुक्ता नगरे कडा कानुनी कारबाही गरिने

• 

  व्यावसायिक समृद्धिको योजनासहित चुनावी मैदानमा शंकर डुम्रे

• 

  फेदीखोलामा क्युआर कोडबाट मौरीको अनुगमन, प्रविधिसँग जोडियो मौरीपालन

• 

  अपराध नियन्त्रण र अनुसन्धानमा सघाउन अर्जुनचौपारीमा १३ सीसीटीभी जडान

वालिङमा शिक्षक मेन्टरिङ तालिम सम्पन्न, नवप्रवेशी शिक्षकलाई प्रमाणपत्र

२ हप्ता अगाडि

वालिङ : वालिङ नगरपालिकाले शिक्षकहरूको पेशागत क्षमता अभिवृद्धि तथा विद्यालय शिक्षाको गुणस्तर सुधार गर्ने उद्देश्यले सञ्चालन गरेको शिक्षक मेन्टरिङ कार्यक्रम…

वालिङले ‘एक स्वास्थ्य’ नीति लागू गर्ने

२ हप्ता अगाडि

हल गोरु पाल्ने कृषकलाई पाँच हजार

२ हप्ता अगाडि

स्याङ्जामा सुरक्षित पर्यटक सचेतना अभियान

३ हप्ता अगाडि