गल्याङमा “तेस्रो गल्याङ ट्यालेन्ट सो २०८२”कार्यक्रम सम्पन्न

गल्याङ :

स्याङ्जाको गल्याङ नगरपालिकामा शिक्षा र विद्यार्थीहरूको प्रतिभा विकासलाई विशेष प्राथमिकतामा राख्दै तीन वर्षदेखि निरन्तर सञ्चालन हुँदै आएको “गल्याङ ट्यालेन्ट सो” कार्यक्रमले यस वर्ष पनि विद्यार्थीहरूको बहुआयामिक प्रतिभा उजागर गरेको छ । गल्याङका सामुदायिक तथा संस्थागत विद्यालयमा अध्ययनरत विद्यार्थीहरूलाई लक्षित गरी आयोजना गरिएको यस कार्यक्रमले पाठ्यपुस्तक बाहेकका अतिरिक्त क्रियाकलापमा विद्यार्थीहरूलाई सक्रिय गराउन ठूलो भूमिका खेलेको छ । यसले गल्याङको शैक्षिक वातावरणलाई अझ समृद्ध बनाउने र विद्यार्थीहरूलाई बहुआयामिक रूपमा विकास गराउने उद्देश्य राखेको छ ।

गल्याङ नगरपालिकाका नगरप्रमुख तथा नगर शिक्षा समिति अध्यक्ष गुरु प्रसाद भट्टराईको अध्यक्षतामा नगरपालिकाको आयोजनामा सञ्चालन भएको “तेस्रो गल्याङ ट्यालेन्ट सो २०८२” कार्यक्रम सम्पन्न भएको छ ।  समापन कार्यक्रममा बोल्दै नगरप्रमुख भट्टराईले कार्यक्रममा विद्यार्थीहरूमा रहेको अन्तरनिहित क्षमता र प्रतिभाको प्रस्फुटन गराउन यो कार्यक्रम आयोजना गरिएको बताउनु भयाे । उहाँले विद्यार्थीहरूलाई केवल कितावी ज्ञानमा सीमित नराखी अतिरिक्त क्रियाकलापमा पनि जोड दिनुपर्ने बताउनु भयाे । गल्याङको शिक्षालाई अझ उत्कृष्ट बनाउन सबैले योगदान दिनुपर्नेमा भट्टराईको जोड छ ।

दुई दिन सम्म संचालन भएको उक्त प्रतियोगितामा एकल पठन सीप प्रतियोगिता नेपाली (कक्षा ३–५), एकल पठन सीप प्रतियोगिता अंग्रेजी (कक्षा ३–५), हस्तलेखन प्रतियोगिता नेपाली (कक्षा ३–५), हस्तलेखन प्रतियोगिता अंग्रेजी (कक्षा ६–८), चित्रकला प्रतियोगिता (कक्षा ४–८), वक्तृत्वकला प्रतियोगिता (कक्षा ६–१२), कविता लेखन तथा वाचन प्रतियोगिता (कक्षा ८–१२), एकल हाजिरी जवाफ प्रतियोगिता (कक्षा ८–१२) र एकल गायन प्रतियोगिता (कक्षा ८–१२) गरी ९ विधा समावेश रहेका थिए ।

त्यस्तै उक्त प्रतियोगितामा नगरपालिकाका ४८ विद्यालयले सहभागिता जनाएको शिक्षा शाखा प्रमुख हिमाल भण्डारीले जानकारी दिए । उक्त कार्यक्रममा नगर उपप्रमुख हेमा न्यौपाने, वडा अध्यक्षहरू, कार्यपालिका सदस्यहरू, नगर शिक्षा समिति सदस्यहरू, विद्यालयका प्रधानाध्यापक, शिक्षकहरू र विद्यार्थीहरूको उपस्थिति रहेको थियो । त्यसैगरी नगरपालिकाले यस प्रकारका कार्यक्रमहरूलाई निरन्तरता दिँदै शिक्षाको प्रगति र विद्यार्थीहरूको सृजनशीलतालाई प्रोत्साहन गर्दै जाने प्रतिबद्धता जनाएको छ ।

सेरोफेरो

थप सामाग्री

कालीगण्डकीका कृषकले तिहारमा कमाए १६ लाख

हट्यो कर्फ्यू, सामान्य बन्दै स्याङ्जा

छोराको अनुहार हेरेर मर्ने रहर

समाचार

थप सामाग्री

• 

  करदाता सेवा कार्यालय खारेज

• 

  यस्तो छ आजको मौसम पूर्वानुमान

• 

  गल्याङ बहुमुखी क्याम्पसकाे प्रमुखमा टिकाराम बस्याल ‘विवेक’  ।

• 

  धानको पाँजा रुझेपछि कृषक चिन्तित

• 

  ‘पढ्दै, कमाउँदै’ विद्यालयको जग्गामा नर्सरी

फूल बेचेर राम्रो आम्दानी गर्दै चापाकोटका कृषक भण्डारी ।

२ हप्ता अगाडि

राधाकृष्ण डुम्रे/वालिङ : स्याङ्जाको चापाकोट नगरपालिका–१, बेलडाँडाका कृषक तुलसीराम भण्डारीले फूल बिक्री गरेर राम्रो आम्दानी गर्नुभएको छ । भण्डारीले यो…

साहित्यकार अर्याल र पल्लव सम्मानित

२ हप्ता अगाडि

खुमा अर्याल फाउण्डेशनको सातौं साधारण सभा सम्पन्न ।

२ हप्ता अगाडि

मोटरसाइकल दुर्घटनामा वरिष्ठ कृषि अधिकृत लम्सालको मृत्यु

२ हप्ता अगाडि