सञ्चारिका समूह स्याङजाका अध्यक्षमा न्यौपाने
स्याङ्जा :
सञ्चारिका समूह स्याङ्जाको चौँथो अधिवेसन बुधबार सम्पन्न गरिएको छ ।
अधिवेसनको उद्दघाटन गर्दै नेपाल पत्रकार महासंघ स्याङ्जाका अध्यक्ष प्रदिप कोईरालाले महिला पत्रकाहरुको हकहित र क्षमता विकास गरी महिला पत्रकाहरुलाई गोलबद्ध गर्ने संस्था सञ्चारिका भएकाले संस्थासंग हातेमालो गर्दै पत्रकार महासंघ अगाडि बढ्ने बताउनुभयो ।
पछिल्लो समय विकास भएको प्रविधिले पत्रकारिता क्षेत्रमा विकृति र फाईदा दुवै आएको भन्दै विकृतिलाई चिर्दै फाईदाको उपयोग गरी महिला पत्रकाहरु पत्रकारिता क्षेत्रमा सशक्त ढंगले अगाडि बढ्न सक्ने बताउनुभयो । स्याङ्जामा महिला पत्रकारहरुको विकास र वृद्धिका लागी पत्रकार महासंघ प्रतिवद्ध रहेको अध्यक्ष कोईरालले बताउनुभयो ।
सञ्चारिका समूहका संस्थापक एवं तथा सल्लाहकार भवानी अधिकारी र सल्लाहकार तथा रेडियो आँधीखोलाका अध्यक्ष शान्ता थापाले सञ्चारिकाको थप प्रगतिको शुभकामना सहितको शुभकामना मन्तब्य व्यक्त गर्नुभएको थियो ।
समूहका अध्यक्ष कला रानाको अध्यक्षतामा सम्पन्न कार्यक्रमको सञ्चालन सचिव आरती कुँवरले गर्नुभएको थियो ।
यसैगरी, अधिवेसनले साधना न्यौपानेको अध्यक्षतामा ९ सदस्यीय समिति निर्वाचित गरेको छ । समितिको उपाध्यक्षमा आरती कुँवर, सचिवमा क्रान्ती अर्याल, सहसचिवमा संगिता थापा र कोषाध्यक्षमा अनिता गौतम रहनुभएको छ ।
सदस्यहरुमा पुजा खड्का, संगिता ठडराई, फुलमाया भट्टराई, रुपा खाम्चा निर्वाचित हुनु भएको निर्वाचन समितिले जनाएको छ ।
यस्तै भवानी अधिकारी, शान्ता थापा, कला रानालाई सल्लाहकारमा चयन गरिएको छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


