प्रतिक्षालयको शुभारम्भका साथै बृद्धबृद्धा सम्मानित ।

वालिङ :
स्याङ्जाको वालिङ नगरपालिका–१० मोहोरिया स्थित सिद्धार्थ राजमार्गसँगै निर्माण गरिएको शितल प्रतिक्षालयको शुभारम्भ गरिएको छ । स्थानीयहरु मिलेर बनाएको प्रतिक्षालयको बयोबृद्धा पुना भट्टराईले शुभारम्भ गर्नु भएको हो ।
प्रतिक्षालय निर्माणको नेतृत्व गर्नु भएका स्थानिय समाजसेवी ढाकाराम डुम्रेले २ लाख ३९ हजारको लागतमा प्रतिक्षालय निर्माण सम्पन्न गरिएको जानकारी दिनुभयो । उहाँका अनुसार स्थानीयको सहयोगमा प्रतिक्षालयको निर्माण गरिएको थियो ।
प्रतिक्षालय शुभारम्भका अवसरमा स्थानीय १० जना बृद्धबृद्धालाई सम्मान गरिएको छ । जीउँदो इतिहासका रुपमा रहेका बृद्धबृद्धालाई सम्मान गरिएको सूर्य प्रसाद पौडेलले बताउनु भयो । अनुभवबाट खारिएका बृद्धबृद्धाको अर्तिउपदेश सबैका लागि सहयोगी हुने उहाँको भनाई छ ।
सम्मान पछि आफू निक्कै हर्षित भएको स्थानीय बृद्ध बोधराज पंगेनीले बताउनु भयो । नसोचेको सम्मान पाउँदा सारै खुसी लागेको उहाँको भनाई छ । अर्की बृद्धा हरिकला डुम्रेले बृद्धबृद्धाको सम्मानले आफूहरु हर्षित भएको बताउनु भयो ।
सडक बिस्तारका क्रममा राजमार्गको छेउमा रहेको प्रतिक्षालय भत्काईए पछि सवारी कुर्ने यात्रु तथा विद्यार्थी लगायतलाई समस्या हुँदै आएको थियो । प्रतिक्षालय निर्माण पश्चात सबैलाई सहज भएको स्थानीय राधा गिरीले बताउनु भयो । पानी आउँदा तथा चर्काे घाम लाग्दा ओत लाग्ने ठाँउ थिएन अहिले निक्कै सहज भएको छ गिरीले भन्नुभयो ।
प्रतिक्षालय निर्माणका लागि स्थानीय प्रेमनारायण डुम्रेले जग्गा उपलव्ध गराउनु भएको थियो भने वालिङ १० कै खेमानन्द भट्टराईले सबै भन्दा धेरै ५३ हजार सहयोग गर्नु भएको निर्माण समितिले जनाएको छ ।

सेरोफेरो

थप सामाग्री

वालिङ बहुमुखी क्याम्पसमा साप्ताहिक खेलकुद

गन्तव्य : धार्मिक पर्यटनको ‘हब’ अर्जुनचौपारी

धार्मिक पर्यटनको हब बन्दै स्याङ्जाकाे अर्जुनचाैपारी, बनाइयो नवग्रह मन्दिर

समाचार

थप सामाग्री

• 

  हुम कुमारी मल्लको पुण्य तिथिमा सहयोग सामग्री हस्तान्तरण

• 

  प्रथम पिङ्क सिटि महोत्सव : भलिबलको सेमिफाइनल समिकरण पूरा

• 

  दमक र वालिङ उद्योग वाणिज्य संघले वालिङमा मनाए होली मिलन कार्यक्रम

• 

  सर्जक सम्मान तथा अग्रज स्रष्टाहरूको फोटो प्रदर्शनी कार्यक्रम सम्पन्न ।

• 

  नवग्रह मन्दिरबाट साढे ७७ लाख बढी भेटी संकलन

मालुङ्गा सार्वजनिक बहुमुखी क्याम्पसको स्ववियु सभापतिमा भण्डारी

१ हप्ता अगाडि

वालिङ : स्याङजाकोे गल्याङमा रहेको मालुङ्गा सार्वजनिक बहुमुखी क्याम्पसको स्वतन्त्र विद्यार्थी युनियन निर्विरोध चयन भएको छ । क्याम्पसको स्वतन्त्र विद्यार्थी युनियनको…

स्याङ्जा पत्रकार समाजका अध्यक्ष रिजाललाई पितृ शोक ।

१ हप्ता अगाडि

मुक्तिनाथ विकास बैंकको अध्यक्षमा मल्ल

२ हप्ता अगाडि

महासचिव अधिकारी किङ चाल्र्स थर्ड कोरोनेशनबाट सम्मानित

२ हप्ता अगाडि