वालिङ प्याथोलोजी तेस्रो बर्षमा,चार जिल्लाका नागरिकलाई सहज।
वालिङ,माघ १ गते :
स्याङ्जाका विरामीहरुलाई सहज गराउनका लागि वालिङमा सञ्चालन गरिएको ‘वालिङ प्याथोलोजी प्रालि’ तस्रो बर्षमा प्रवेश गरेको छ ।
जिल्लामा नै पहिलो पटक अत्याधुनिक उपकरणबाट रगत तथा दिशापिसावको परीक्षण गर्न भन्दै दुई बर्ष अगाडि वालिङमा प्रयोगशाला सञ्चालन गरिएको थियो ।
स्याङ्जा तथा आसपासका विरामीलाई सहज सेवा उपलव्ध गराउन भन्दै आफूहरुले गरेको प्रयास सफल भएको वालिङ प्याथोलोजीका अध्यक्ष मनोज खनालले बताउनु भयो । उहाँले भन्नुभयो,“रगतको सामान्य परीक्षण वालिङमा हुने गरेको भए पनि थाईराईड लगायतका परीक्षणका लागि पोखरा र पाल्पा जानु पर्ने बाध्यता थियो, जुन अहिले हटेको छ ।” रगतको नमुना लिएर पोखरा पठाउँदा यसको विश्वसनियता कमजोर हुने गरेको भन्दै विरामीको सहजताका लागि अत्याधुनिक प्रयोगशाला सञ्चालनमा ल्याईएको खनालले बताउनु भयो ।
प्रयोगशाला सञ्चालनमा आएसँगै स्याङ्जा सहित पाल्पा,पर्वत र गुल्मी लगायतका जिल्लाका नागरिकलाई सहजता आएको सञ्चालक सृजन खनालले बताउनु भयो । वालिङमा नै सहज सेवा पाउँदा जिल्लाका नागरिकलाई सजिलो भएको भन्दै आर्थिक भार समेत कम परेको खनालको भनाई छ ।
वालिङ नगरपालिका–९ तल्लो वालिङमा रहेको प्रयोगशालामा दैनिक एक सय जना भन्दा धेरैको रगत तथा दिशापिसावको नमुना परीक्षणका लागि आउने प्रयोगशालाका प्रमुख जय प्रसाद ठाकुरले बताउनु भयो ।
प्रयोगशाला तेस्रो बर्षमा प्रवेश गरेको उपलक्ष्यमा गरीएको कार्यक्रममा बोल्नुहुँदै गह्रौं प्राथमिक अस्पतालका ल्याव टेक्निसियन ईश्वर कोईरालाले अत्याधुनिक उपकरण सहित वालिङमा सञ्चालनमा आएको प्रयोगशालाले विरामीलाई सजिलो भएको बताउनु भयो ।
२०७९ माघ १ गते वालिङमा मनोज खनाल,सृजन खनाल,राजेश बस्नेत,अनिता रेग्मी कोईराला र शर्मिला कुमारी ठाकुर मिलेर अत्याधुनिक प्रयोगशाला सञ्चलनमा ल्याउनु भएको हो ।
तेस्रो बर्षमा प्रवेश गरेसँगै प्रयोगशालाले थप नयाँ उपकरणको साथमा रगत दिशापिसावको नमुना परीक्षणको काम शुरु गरेको जनाएको छ ।

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


