पुतलीबजार र अर्जुनचौपारी जोड्ने पुल उदघाटन
पुतलीबजार नगरपालिका १३ मैनिखामा र अर्जुनचौपारी गाउँपालिका १ जोड्ने ठाडाखेतमा मोटरेवल पुलको उदघाटन गरिएको छ ।
विस २०७४ पुसमा निर्माण सुरु गरिएको पुलको झण्डैं ८ बर्षपछि उदघाटन गरिएको हो । संघिय सांसद राजु थापाले शनिवार पुलको उदघाटन गर्दै ढिलो भए पनि पुलको उदघाटन भएको र पुलले पुतलीबजार र अर्जुनचौपारीका स्थानीयबासी लाभान्वित भएको बताउनुभयो ।
बहुदलीय ब्यवस्थापछि विकासले गति लिएको उहाको भनाई छ । पञ्चायती ३० बर्षे शासनकाल र त्यसपछिका समयलाई तुलना गर्दै आमनागरिकको शिक्षा, स्वास्थ्य, आर्थिक अवस्था राम्रो देखिएको उनले जनाउनुभयो । अहिलेसम्म ५ बर्ष एउटै दलले शासनसत्ता संचालन गर्न नपाउनु विकास समृद्धिको वाधक बनेको सांसद थापाको भनाई छ। स्थायी सरकार नहुदा बदलिरहने सरकारले विकास र समृद्धि हुन नसकेको उहाले दावी गर्नुभयो ।
पुतलीबजार र अर्जुनचौपारीलाई जोड्नेगरी सडक निर्माण लगायतका पक्की सडक पूर्वाधार लगायत अन्य कामका लागि आफु सकारात्मक भएको जनाउदै दुबै पालिकाको सहकार्य र समन्वयमा आवश्यकतानुरुप विकास गर्ने बताउनुभयो । मुलुकको विकास र निकासका लागि एमाले र काँग्रेसको सरकार बनेको सांसद थापाले बताए। सांसद थापाका अनुसार, ‘विकासका लागि सबै राजनीतिक दल, जनप्रतिनिधि, कर्मचारीहरु, नागरिकबीच सहकार्य र एकताले विकास सम्भव हुन्छ ।’

नेपालमा विकास नभएको भन्ने भाष्यलाई चिर्दै भइरहेको विकास निर्माणमा गति दिन सबै एकजुट हुनुपर्ने उहाको भनाई छ । हामी आफैंले अनुभूत गरेका जनाउदै उनले विकास तथा प्रबिधिको विकासले फडको मारेको समेत जानकारी गराउनुभयो ।
सो पुल ३ करोड ४१ लाख ९२ हजार रुपैयामा निर्माण गरेको इन्जिनियर सिर्जना शर्माले जानकारी दिईन। ७९.५ मिटर लम्बाई रहेको यस कल्भर्टमा बिचमा डिभाइडर राखेर निर्माण गरिएको छ ।
कार्यक्रममा पुतलीबजार नगरप्रमुख तुलसीराम रेग्मी, अर्जुनचौपारी गाउँपालिका अध्यक्ष प्रकाश तिवारी, पुतलीबजार नगर उपप्रमुख देवी अर्याल, अर्जुनचौपारी १ का अध्यक्ष रणबहादुर थापा, पुतलीबजार वडा –१३ का कार्यवाहक अध्यक्ष सूर्यबहादुर रोका, पुल निर्माण समितिका उपाध्यक्ष दुर्गा अर्याल र सचिव मनबहादुर रोका लगायतले पुल निर्माणपछि दुबै पालिकाका स्थानीयबासीले दैनिक जीवन यापनमा निकै सहज पुगेको जानकारी गराउनुभयो ।
सोही कार्यक्रममा पुतलीबजार १३ स्थित झापाकोट युवा क्लवका सचिव सूर्यबहादुर जिसीले संघिय सांसद राजु थापा समक्ष विकास निर्माणका लागि सहयोग गरिदिन ३ बुदें माग पत्र बुझाएका थिए । जिसीका मागपत्रलाई आवश्यक सहयोग गर्ने सांसद थापाले प्रतिवद्धता जनाउनुभयो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


