वालिङमा जिल्लास्तरीय वक्तृत्वकला र साहित्यिक कार्यक्रम हुने ।
वालिङ :स्याङ्जाको वालिङमा जिल्लाव्यापी अन्तरविद्यालय स्तरीय वक्तृत्वकला प्रतियोगिता र साहित्यिक कार्यक्रम हुने भएको छ । दुर्गाखिमा फाउण्डेशनको आयोजना र भेषजराज साहित्य प्रतिष्ठानको व्यवस्थापनमा कार्यक्रम हुन लागेको हो ।
आगामी २६ र २७ गते दुई दिनसम्म सन्चालन हुने कार्यक्रमको पहिलो दिन वक्ृत्वकला प्रतियोगिता र दोस्रो दिन साहित्यिक कार्यक्रम हुने छ ।
फाउण्डेशनले स्थापनाकालदेखि विभिन्न शिक्षण संस्थाहरूसंग समन्वय गरेर शिक्षा क्षेत्र र विद्यार्थी संग समय सापेक्ष कार्य गर्दै आईरहेको फाउण्डेशनका अध्यक्ष गोपाल कंडेलले शनिवार वालिङमा आयोजना गरेको पत्रकार सम्मेलनमा जानकारी दिनुभयो ।
देशको विद्यमान अवस्थामा वढ्दो वैदेशिक आकर्षण भईरहेको समयमा वढ्दो वैदेशिक आकर्षणः कारण र समाधान भन्ने शिर्षकमा प्रतियोगीले वक्तृत्व कला प्रस्तुत गर्नेछन् । प्रतियोगिताको पुरस्कार प्रथम हुनेलाई २५ हजार, द्वित्तिय हुनेलाई १५ हजार, तृतिय हुनेलाई ७ हजार ५ सय र प्रमाणपत्र प्रदान गरिने र सान्त्वना हुने २ जनालाई ५ हजार पुरस्कारको व्यवस्था गरिएको फाउण्डेशनका अध्यक्ष कंडेलले जानकारी दिनुभयो ।
पत्रकार सम्मेलनमा भेषराज साहित्य प्रतिष्ठानका अध्यक्ष यामकान्त खनालले प्रतिष्ठानको स्थापना र हालसम्म गरेका कार्यहरूको वारेमा जानकारी गराउनु भयो । प्रतिष्ठानको नियमित रचनावाचनको ७८ओैं शृङ्खला र साहित्यिक यात्रा संगै गर्नका लागि दुर्गा खिमा फाउण्डेशन संग मिलेर आयोजना गरेको जानकारी दिनुभयो ।
दोस्रो दिन एकादशीको अवसरमा त्रियासीवाट वसवाट कालीगण्डकी उत्तरवाहिनी सम्मको धार्मिक यात्रा र उत्तरवाहिनीमा सञ्चालन भईरहेको धार्मिक महायज्ञमा सहभागी भएपछि साहित्यिक कार्यक्रम गरिने खनालले जानकारी दिनुभयो ।
कार्यक्रम प्रतिष्ठानका सचिव स्याम ढुंगानाले सन्चालन गर्नु भएको थियो ।

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


