वालिङ बजार शनिबार पनि खुल्ला

वालिङ :

वालिङ बजार आजदेखि शनिबार पनि खुल्ला भएको छ । आजको शनिबारदेखि कार्तिक २४ गतेसम्म शनिबार पनि बजार खुल्ला हुने भएको हो । उद्योग वाणिज्य संघ वालिङले एक सूचना प्रकाशित गर्दै नेपालीहरुको महान चाडपर्व शुरु भएकाले ग्राहकहरुको सुविधालाई मध्यनजर गर्दै शनिबार पनि बजार खुल्ला गरिएको हो । यसअघि उद्योग वाणिज्य संघले हरेक शनिबार बजार पसलहरु बन्द गरेको थियो ।

नेपालीहरुको चाडपर्वहरु दशैँ तिहार छठलगायत महत्वपुर्ण पर्वहरुलाई मध्यनजर गर्दै शनिबार पनि बजार पसल खुल्ला गरिएको उद्योग वाणिज्य संघ वालिङका अध्यक्ष चेतनारायण श्रेष्ठले बताउनुभयो । साथै संघले उपभोग्य मिति गुज्रिएका वस्तुहरुको विक्रि वितरण नगर्न आग्रह गर्दै पसलमा अनिवार्य मुल्य सुचि राख्न र पान नम्बर देखिने गरी राख्न व्यापारीहरुलाई आग्रह गरेको छ ।

बजारमा उपभोग्य वस्तुहरुको कृक्रिम अभाव सृजना हुन नदिई उचित मुल्यमा वस्तुहरुको विक्रि वितरण गर्न आग्रह गर्दै आफ्नो कारोबार अनुसारको आयव्याय विवरण र कर समयमै भुक्तानी गर्न समेत उद्योग वाणिज्य संघले आग्रह गरेको हो । आधारभुत व्यवसायिक आचारसंहिताको पालना गरी आफ्नो व्यापार व्यवासाय संचालन गर्न संघले आग्रह गरेको छ ।