दुबै मृगौला फेल भएकी जमुना थापालाई १५ लाख सहयोग हस्तान्तरण

टिकाराम अधिकारी/गल्याङ :
गल्याङ नगरपालिका वडा नं.११,छाँप घरभइ गल्याङ बस्दै आउनु भएकी जमुना थापाको दुबै मृगौला फेल अर्थात काम गर्न नसक्ने अवस्थामा छ । उहाँ हाल पोखरामा उपचार गराई रहनु भएको छ । थापाको थप उपचारका लागि नेपाल मगर संघ गल्याङ नगर समितिले संकलन गरेको रकम रु १५ लाख हस्तान्तरण गरेको छ ।
रकम हस्तान्तरण कार्यक्रमलाई सम्बोधन गर्दै पूर्व सांसद महेन्द्र थापा मगरले रहेक मानिसले आफ्नो स्वास्थ्यको ख्याल गर्नु पर्ने बताउँदै हामीले खाने आहार व्यहारमा ध्यान दिन सकियो भने रोगबाट बच्च सकिने बताउनु भयो । रोग लाग्नु भन्दा पहिले नै संजक हुन आवश्यक रहेको उहाँको भनाई छ ।
उहाँले भन्नु भयो “पट्ट मगर काट छानिङ” एउटा मगरलाई परेको पिडामा सबै मिलेर मलमपट्टी लगाउनु पर्ने बताउदै नेपाल मगर संघ गल्याङ नगरको पहलमा संकलन भएको रकमलाई सहि रुपमा सदुपयोग गर्न पनि आग्रह गर्नु भयो ।
थापाले एक अर्को प्रशंङमा इतिहासमा मगरजातिले आफ्नो भाषामा राखिएका ठाउँहरुको नाम हराउदै गएको र भाषा संस्कार संस्कृति संरक्षण गर्ने अधिकारी स्थानीय तहमा प्रदान गरेको बताउदै स्थानीय सरकारले त्यस तर्फ ध्यान दिन पनि आग्रह गर्नु भएको थियो । भने उहाँले बिरामी जमुना थापा बचाउ अभियानमा लाग्ने सम्पूणलाई मनै देखि धन्यवाद दिदै विरामीको स्वास्थ्य लाभको कामना समेत गर्नु भएको थियो ।
कार्यक्रममा नेपाल मगर संघ केन्द्रिय सचिव लोकेन्द्र बहादुर थापा मगर,नेपाल मगर संघ गण्डकी प्रदेश उपाध्यक्ष दान बहादुर थापा, गल्याङ नगरपालिकाका पूर्व उपप्रमुख देविसरा थापा मगर,गल्याङ नगरपालिका नगर शिक्षा समिति सदस्य चन्द्र बहादुर राना मगर,नेपाल मगर महिला संघ जिल्ला अध्यक्ष कृष्णमाया राना मगर लगायतले बिरामी जमुनाको बारेमा बोल्नु भएको थियो ।
नेपाल मगर संघ गल्याङ नगर समितिले गल्याङ नगरपालिका देश तथा विदेशमा रहनुहुने व्यक्ति तथा संघ संस्थासंघ साउन २५ सम्म १५ लाख संकलन गरेको र अझै पनि सहयोग रकम आउने कार्य जारीरहेकाले अझै रकम थप हुने नेपाल मगर संघ गल्याङ नगर समितिले गल्याङका अध्यक्ष कुमार राना मगरले जानकारी गराउनु भएको थियो । अध्यक्ष रानाले भन्नु भयो गल्याङको मगर जातिको उत्थानका लागि साथै मगर भवन निर्माणमा बिरामी जमुनाले लेखेको भूमिकाको बारेमा समेत प्रष्ट पार्नु भएको थियो ।
बिरामी जमुना थापाका श्रीमान याम बहादुर सोमै भन्नु भयो आफ्नो श्रीमतिको जीवन रक्षाका लागि नेपाल मगर संघ गल्याङ नगर समितिले महत्वपूर्ण भूमिका खेलेर उनको उपचारमा सहयोग गर्नु भएको प्रति धन्यवाद व्यक्त गर्नु भएको थियो ।
नेपाल मगर संघ गल्याङ नगर समितिका अध्यक्ष कुमार राना मगरको अध्यक्षतामा भएको कार्यक्रमको स्वागत मन्तव्य नेपाल मगर संघ वडा नं.३का अध्यक्ष तथा आर्थिक सहयोग संकलन समितका सहसंयोजक जयसिं राना मगरले र कार्यक्रमको सञ्चालन नेपाल मगर संघ गल्याङ नगर समितिका सचिव रेशम राना मगरले गर्नु भएको थियो ।