नमुना बन्दै महिलाले मात्रै सञ्चालन गरेको सामुदायिक विद्यालय ।
राधाकृष्ण डुम्रे,
वालिङ,साउन ११ गते ।
स्याङ्जाको गल्याङ नगरपालिका–३ लल्याङ स्थित ज्ञानज्योती आधारभुत विद्यालयमा महिला मात्रै शिक्षिका कार्यरत रहेकाछन् । स्थापना देखि हाल सम्म विद्यालयमा कुनै पनि पुरुष शिक्षकको रुपमा कार्यरत रहेका छैनन् । २०४६ सालमा स्थापना भएको विद्यालय पालिकामा मात्रै होईन जिल्लामा नै उत्कृष्ट रहेको छ ।
बिद्यालयमा ६१ बिद्यार्थी पढ्दै आएकाछन् । पाँच जना शिक्षक तथा तीन जना कर्मचारीको दरबन्दी भएको विद्यालयमा सातै जना महिला कार्यरत रहेकाछन् । महिलाहरुलाई विद्यालय सञ्चालन गर्न पूर्ण अधिकार दिईएको विद्यालय व्यवस्थापन समितिका अध्यक्ष मनोज भट्टराईले बताउनु भयो । शिक्षिकाहरुले आफै योजना बनाएर कक्षा सञ्चालन गर्दै आएका उहाँको भनाई छ । व्यवस्थापन पक्षले सहजीकरण गर्ने गरेको भन्दै अध्यक्ष भट्टराईले शिक्षिकाहरुले मेहनत गरेको कारण विद्यालयको अवस्थामा परिवर्तन आएको बताउनु भयो ।
विद्यालयमा अध्ययन गरेका विद्यार्थीहरु हरेक क्रियाकलापमा अगाडी देखिन्छन । विद्यालयमा बालमैत्री शिक्षण विधि अपनाईएको विद्यालयका प्रधानाध्यापक सरस्वती भट्टराईले बताउनु भयो । फरक तर व्यावहारिक तरिकाबाट शिक्षा प्रदान गर्ने गरिएको उहाँको भनाई छ । अन्य विद्यालयको तुलनामा आफ्नो विद्यालयमा विद्यार्थीको राम्रो आकर्षण रहेको विद्यालयको भनाई छ ।
महिलाले मात्रै सञ्चालन गरेको विद्यालयलाई पालिकाले विशेष रुपमा हेरेको नगरप्रमुख गुरु प्रसाद भट्टराईले बताउनु भयो । उहाँ भन्नुभयो, “महिलाहरुले इमान्दारीता, लगनशिलता र कामप्रति अनुशासन देखाएकाले ज्ञानज्योती आधारभूत विद्यालय नमुना बनेको छ ।”
गल्याङ नगरपालिकामा सात संस्थागत, ६२ सामुदायीक र एक गुरुकुल विद्यालय रहेका छन । पालिकामा पाँच हजार दुई सय ५६ बिद्यार्थी अध्ययनरत रहेकाछन् ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


