स्याङजा : पहिरोमा परेर आमा छोरीको मृत्यु ।

स्याङजा :
स्याङ्जामा पहिरोमा परेर आमाछोरीको मृत्यु भएको छ । फेदीखोला गाउँपालिका–५ बाँगेमा गएराती पहिरोले घर पुर्दा घरमा सुतिरहेका ३१ बर्षीय दुर्गा जि.टी. र उहाँकी ३ बर्षकी छोरी निकिसा जि.टी. को मृत्यु भएको जिल्ला प्रहरी कार्यालय स्याङ्जाका प्रवक्ता प्रहरी नायव उपरीक्षक ईन्द्रबहादुर रानाले बताउनु भयो ।
जिटीको ढुङगा माटो र टिनले छाएको १ तले घर र गोठ पुरेको हो । अविरल बर्षाको कारण घरमाथिबाट आएको पहिरोले घर तथा गोठ पूर्ण रुपमा पुरेको प्रवक्ता रानाले जानकारी दिनुभयो । आमा छोरीको घटनास्थलमा नै मृत्यु भएको प्रहरीको भनाई छ । जिटीको गोठमा रहेको भैसी पनि पहिरोमा पुरिएर मरेको छ ।

Facebook Comments Box