अर्जुनचौपारी गाउँपालिकाद्धारा निःशुल्क बाल स्वास्थ्य शिविर
वालिङ :
नागरिकको आवश्यकता अनुसार घरघरमा स्वास्थ्य सेवा दिँदै आएको अर्जुनचौपारी गाउँपालिकाले निःशुल्क बाल स्वास्थ्य शिविर गरेको छ । शिविरमा बालबालिकाको निःशुल्क स्वास्थ्य जाँच एवम् दाँतको स्क्रिनिङ्ग सेवा प्रवाह गरिएको हो ।
पालिकाले गाउँपालिका परिसरमा गरेको एक दिने बाल स्वास्थ्य शिविरमा ११८ जना दाँत र १९३ जना बालरोग गरी ३११ जना बालबालिकालाई निःशुल्क स्वास्थ्य सेवा लिएका हुन्। गाउँपालिका अध्यक्ष प्रकाश तिवारीले पालिकाका बालबालिका स्वास्थ्य समस्याका कारण पोखरा र काठमाडौँ पुग्दा दुःख तथा आर्थिक व्यय व्यहोरेको देखेपछि आवश्यकता महसुस गरेर बाल स्वास्थ्य शिविर गरेको बताउनुभयो ।
शिविरमा पोखरा स्वास्थ्य विज्ञान प्रतिष्ठान (गण्डकी अस्पताल) का वरिष्ठ बाल रोग विशेषज्ञ डा. रामचन्द्र बास्तोला, वरिष्ठ दन्त रोग विशेषज्ञ डा. भावना सिग्देल, डा. अभिषेक रमण पराजुली र गाउँपालिकाको स्वास्थ्य टिमले बालबालिकालाई परीक्षण र आवश्यक परामर्श दिइएको थियो । शिविरमा अर्जुनचौपारी, पुतलीबजार १३, भिरकोट ७ का एक महिनादेखि १४ वर्ष सम्मका बालबालिका सहभागी रहेका थिए ।
पालिकाले बाल स्वास्थ्य शिविर गरेर गुन लगाएको बताउँदै अभिभावक दुर्गा तिवारीले सबै खाले रोगको विशेषज्ञ सहितको शिविर महिना महिनामा गर्नुपर्ने बताउनुभयो । पालिकाले पालिका कार्यालय भित्र आँखा जाँच केन्द्र राखेको छ भने घरघरमा पुगेर वृद्धवृद्धाको स्वास्थ्य परीक्षण गर्दै आएको छ । यस्तै पालिकाले पालिका भित्रका गर्भवती महिलालाई निःशुल्क एम्बुलेन्स सेवा पनि दिँदै आएको छ ।

Facebook Comments Box
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


