बिरुवामा महिलाहरुका लागि ढाका बुनाई तालिम
वालिङ :
स्याङ्जाको बिरुवा गाउँपालिकाले महिलाहरुका लागि ढाका बुनाई तालिम सञ्चालन गरेको छ । “सीप सिकौं, उद्यमी बनौं” भन्ने मूल नारा सहित उपाध्यक्ष उद्यम विकास कार्यक्रम अन्तर्गत महिलाहरुका लागि ढाका बुनाई तालिम सञ्चालन गरिएको हो । २०८० चैत्र २७ देखि गाउँपालिकाद्वारा सञ्चालन गरिएको दुई महिने तालिममा १६ जना महिलाहरु ढाका बुन्ने सीप सिकाईमा सहभागी छन् ।
“समृद्ध बिरुवा सुखी बिरुवाबासी” को मूल नारासहित अगाडि बढेको गाउँपालिकाले सीप सिकाईसहित रोजगार सिर्जना सम्बन्धी बिभिन्न कार्यक्रमहरु सञ्चालन गर्दै आएको छ । गरिवी निवारण कार्यक्रम अन्तर्गत लघु उद्यम विकासका लागि चप्पल बनाउने १० दिने तालिम चैत्र महिनामा सम्पन्न भएको र अहिले ढाका बुनाई तालिम सञ्चालन गरिएको गाउँपालिकाका अध्यक्ष सूर्य बहादुर कुँवरले जानकारी दिनुभयो ।
यस अघि वडा नम्वर १ को बिरुवामा चप्पल बनाउने र वडा नम्वर ८ को मेथा भुरुङमा ढाका बुनाई तालिम सञ्चालन गरिसकिएको गाउँपालिकाले जनाएको छ । गाउँ क्षेत्रको मेथा भुरुङमा र अहिले बजार क्षेत्रलाई समेटेर सीप सिकाईसहित आत्मनिर्भर बनाउने उद्देश्यले ढाका बुनाई तालिम सञ्चालन गरिएको गाउँपालिका रोजगार शाखा संयोजक खेम मरासिनीले जानकारी दिनुभयो । उत्साहकासाथ तालिममा सहभागी भएकाले सीप सिकाईसहित व्यवसायी बन्ने विश्वास गाउँपालिकाले लिएको संयोजक मरासिनीको भनाई छ ।
स्थानीयस्तरमै व्यवसायी बनी आय आर्जनमा लाग्न सकून भनेर महिलाहरुका लागि चप्पल बनाउने र ढाका बुनाईलगायतका तालीमहरु सञ्चालनलाई महत्व दिइएको गाउँपालिकाले जनाएको छ ।
Facebook Comments Box
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


