आँधीखोलाको झण्डा सगरमाथामा

स्याङ्जा :

स्याङ्जाको आँधीखोला गाउँपालिकाको झण्डा विश्वकै सर्वोच्च शिखर सगरमाथामा फहरिएको छ । आँधीखोला गाउँपालिका –२ चिलाउनेबासका ३६ वर्षीय सुरज पौडेलले सगरमाथा आरोहणमा सफलता हासिल गरेसँगै जन्मभूमि रहेको पालिकाको झण्डा सगरमाथामा फहराउनु भएको हो ।

अरोहणमा सफलता पाएपछि सामाजिक सञ्जाल फेसबुकमा तस्बिर आएपछि सो कुराको जानकारी भएको पालिका अध्यक्ष विश्व पौडेलले बताउनुभयो । गत  चैत २० गते शेर्पा एक्स्ट्रिम प्रालिमार्फत सगरमाथा आरोहणमा जानु भएका पौडेलले जेठ ७ गते बिहान १० बजेर २० मा सफलता प्राप्त गर्नुभएको थियो ।

सशस्त्र प्रहरी बल नेपालमा सेवारत प्रहरी निरीक्षक पौडेलले ससस्त्र प्रहरी बलको समेत झण्डा फहराउनु भएको थियो । सगरमाथा आरोहण गर्ने पौडेल आँधिखोला मात्र नभएर जिल्लाकै पहलिो व्यक्ति हुनुभएको छ । पौडेल सशस्त्र प्रहरीबाट सगरमाथा आरोहण गर्ने पहिलो ब्यक्ति पनि हुनु भएको छ ।

२०६७ सालमा खुला प्रतिस्पर्धाबाट सशस्त्र प्रहरी निरीक्षक पदमा उहाँ प्रवेश गर्नुभएको थियो । यसअघि पालिकाका कर्मचारी रोशन लामिछानेले मनाङको तिलिचोमा पाालिकाको झण्डा फहराउनु भएको थियो ।

Facebook Comments Box
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि

स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…

TOP