एमाले स्याङ्जा अध्यक्षमा पुनः गैरे

स्याङ्जा :

नेकपा (एमाले) स्याङ्जाको नवौँ जिल्ला अधिवेशनमा पारस गैरे निर्विरोध अध्यक्ष निर्वाचित हुनु भएको छ । अध्यक्षमा गैरेको मात्र एकल उम्मेदवारी परेपछि उहाँ निर्विरोध हुनुभएको हो । माओवादी केन्द्रका नेता रामबहादुर थापासँगै एमालेमा प्रवेश गर्नुभएका गैरे यस पटक अध्यक्ष बन्नुभयो ।

त्यस्तै उपाध्यक्ष महेश पुरी, सचिवमा रामचन्द्र (आरसी) भट्टराई, उपसचिवमा अमृत श्रेष्ठ र चिनमायाँ गुरुङ निर्विरोध हुनुभएको छ । पदाधिकारीमा निर्विरोध भए पनि सदस्यमा भने आवश्यक भन्दा धेरैको उम्मेदवारी परेको छ ।  पालिकास्तरमा केही सदस्य निर्विरोध हुनुभएको छ । १८ खुल्ला सदस्यका लागि ४७ जनाको उम्मेदवारी परेको छ । ६ जना महिला खुल्ला सदस्यको लागि १० जनाको उम्मेदवारी परेको छ ।

दुई युवा सदस्यका लागि नौ जनाको उम्मेदवारी परेको छ । ४ जना जनजाति खुल्ला सदस्यको लागी १२ जना, १ युवा महिला सदस्यको लागी २ जना, ३ जनजाति महिलाको लागी ४ जना, अल्पसंख्याक खुल्ला १ जनाको लागी २ जना मुस्लिम १ जनाको लागी ३ जना, १ मजदुर महिलाको लागी २, ३ जना दलित खुल्लामा ५ जना, १ अपांगता सदस्यमा ३ जनाको उम्मेदवारी परेको छ । सदस्यमा आवश्यकभन्दा धेरै उम्मेदवारी परेपछि थप गरी मिलाउने प्रयास भइरहेको छ । अधिवेशनबाट १०५ सदस्य निर्वाचित हुनेछन् ।  नौ हजार ५४३ जना पार्टी सदस्य रहेको स्याङ्जा अधिवेशनमा ११ पालिकाकाका ६०९ जना प्रतिनिधि सहभागी छन् ।

Facebook Comments Box