अहिलेको गठबन्धन बलियो समीकरण : अध्यक्ष ओली
स्याङ्जा :
नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले अहिलेको गठबन्धन बलियो समीकरण भएको बताउनुभएको छ ।
एमाले स्याङ्जाको नवौँ जिल्ला अधिवेशन पुतलीबजार नगरपालिका –१ मा रहेको सिटीहलमा शुक्रबार आयोजित कार्यक्रममा उहाँले सो कुरा बताउनुभएको हो । अध्यक्ष ओलीले २०८४ सम्म अहिलेको गठबन्धन कायम रहने बताउनुभयो ।
पार्टी सङ्गठनलाई एक ढिक्का बनाएर अघि बढ्न उहाँले जिल्लाका नेता तथा कार्यकर्तालाई निर्देशन दिनुभयो । अध्यक्ष ओलीले गुट बनाएर पार्टी कमजोर हुने भन्दै त्यसो नगर्न निर्देशन दिनुभयो । नेपाली जनता एमालेको साथमा रहेकाले जनतासँग मिलेरै देशको विकास गर्ने बताउनुभयो ।
अध्यक्ष ओलीले जनताभन्दा पनि केही नेताहरु व्यक्तिगत स्वार्थमा लागेकाले देश बनाउने काममा समस्या भएको चर्चा गर्नुभयो । एमालेविरुद्ध सरकार र सत्ता तथा अदालत प्रयोग भएको बताउँदै अध्यक्ष ओलीले एक पटक नभइ पटक–पटक भएको दाबी गर्नुभयो ।
स्याङ्जा सङ्घर्ष बोकेको, चेतना, राजनीति सबै क्षेत्रमा अगाडि रहेको बताउँदै अध्यक्ष ओलीले मरेको मान्छेको भोट हाल्ने जिल्ला पनि रहेको व्यङ्ग्य गर्नुभयो । अघिल्लो चुनावमा क्षेत्र नं २ मा काँग्रेसले अनेक छलछाम गरी निर्वाचन जितेको उहाँले आरोप लगाउनुभयो ।
आफू २०४२ कात्तिकमा स्याङ्जा जेल बसेको स्मरण गर्दै यहाँका नेता कार्यकर्ताबाट माया पाएकाले आफ्नो आत्मबल बलियो भएको उहाँले चर्चा गर्नुभयो । दुई दिनसम्म चल्ने अधिवेशनले १०५ सदस्यीय नयाँ नेतृत्व चयन गर्ने एमाले स्याङ्जाले जनाएको छ ।
नौ हजार ५४३ जना पार्टी सदस्य रहेको स्याङ्जा अधिवेशनमा ११ पालिकाकाका ६०९ जना प्रतिनिधि सहभागी छन् । नयाँ नेतृत्व सहमतिबाट नेतृत्व चयन हुने बताइए पनि वर्तमान अध्यक्ष सूर्यप्रसाद गैरे, नारायणप्रसाद मरासिनी, राजेन्द्र डुम्रे अध्यक्षको आकांक्षी देखिएका छन् ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


