व्यास नगरपालिकामा जेठ १ गतेदेखि प्लास्टिक झोलामा पूर्ण प्रतिबन्ध ।

तनहुँ:
तनहुँको व्यास नगरपालिकाले आउँदो जेठ १ गतेदेखि नगरभित्र प्लास्टिक झोलामा पूर्ण प्रतिबन्ध लगाउने भएको छ ।

नगरपालिकालाई वातावरणमैत्री नगर बनाउने उद्देश्यका साथ जेठ १ गतेदेखि सबै प्रकारका प्लास्टिकका झोला प्रयोग गर्न पूर्णरूपमा निषेध गरिएको हो । नगरको वातावरण स्वच्छ बनाउन यो निर्णय गरेको मेयर वैकुण्ठ न्यौपानेले जानकारी दिनुभयो ।

सामान खरिद गर्दा कपडा, फाइबर, जुट र कागजको झोलामात्र प्रयोग गर्न न्यौपानेले नगरवासीलाई आग्रह गर्नुभयो । व्यापारीलाई प्लास्टिक झोलाको सट्टा वैकल्पिक झोलामात्र बिक्रीरवितरण गरी प्लास्टिक झोलामुक्त व्यास नगर बनाउने अभियानलाई सफल बनाउन न्यौपानेले आग्रह गर्नुभयो ।

विशेषगरी मासु र तरकारी खरिदका क्रममा प्लास्टिकका झोला बढी प्रयोग हुने हुँदा सम्बन्धित व्यवसायीलाई पनि त्यसको विकल्प खोज्न नगरपालिकाले आग्रह गरेको छ । प्लास्टिक झोला प्रयोग गरेको पाइए वा बिक्री÷वितरण गरेको पाइएमा प्लास्टिक झोला जफत गरी जरिबााना गरिने नगरपालिकाले जनाएको छ ।

Facebook Comments Box