वालिङ बहुमुखी क्याम्पसमा नयाँ नेतृत्व ।

वालिङ :

देशकै जेठो सामुदायिक क्याम्पस वालिङ बहुमुखी क्याम्पसको अध्यक्षमा उदय श्रेष्ठ निर्वाचित हुनुभएको छ । क्याम्पसको १३औँ अधिवेसनले श्रेष्ठको अध्यक्षतामा ११ सदस्यीय नयाँ कार्यसमिति निर्वाचित गरेको हो । सदस्यहरुमा आनन्दप्रसाद पाठक, केदार काफ्ले, दिलिपकुमार बगाले, नेत्रप्रसाद पाण्डे, पदमप्रसाद पाण्डे, पुण्यप्रसाद अर्याल, भोजराज गुरुङ, रुक्मागत पौडेल, सुरेशप्रसाद गैह्रे, हेमप्रसाद गैह्रे रहनुभएको छ ।

। त्यस्तै लेखा सुपरिवेक्षण तथा नियन्त्रण समितिको संयोजकमा अर्जुनप्रसाद खनाल निर्वाचित हुनुभएको छ । यसैबीच निर्वाचित संचालक समितिले प्रमाणपत्र ग्रहण गरेका छन् । निर्वाचन अधिकृत तेजराज शर्माले अध्यक्ष सहित सदस्यहरु लेखा सुपरिवेक्षण तथा नियन्त्रण समिति संयोजकलाई प्रमाणपत्र हस्तान्तरण गर्नुभएको हो ।