स्याङ्जाकाे आँधीखोलामा बृहत् साहित्य सम्मेलन
स्याङ्जा :
आँधीखोला गाउँपालिका-५ फापरथुममा बृहत् साहित्य सम्मेलन गरिएको छ । आनन्दमणि टुल्की नन्दकला स्मृति प्रतिष्ठानले यहाँ दुई दिने बृहत् साहित्य सम्मेलन गरेको हो ।
गोष्ठीमा देशभरबाट १५० भन्दा बढी साहित्यिक सर्जकको सहभागिता थियो । सम्मेलनमा साहित्यकार श्रीओम श्रेष्ठ रोदनले पैसा हुनेहरू साहित्यमा लाग्ने लोभ जाग्नुलाई साहित्यप्रतिको आकर्षण भएपनि निरन्तर लागिरहने स्रष्टाप्रति अपमान भएको बताउनुभयो ।
सम्मेलनमा प्रा.डा. कपिल लामिछाने, शेखर अर्याल, डा पुष्करराज भट्ट, भावकेसर बराल, सूर्यप्रसाद डुम्रे, रमेश सुवेदी, सुशीला सापकोटा, शुभ शर्मा, दिव्य गिरी, इन्दिरा देवकोटा, कात्यायन, शान्ता तिम्सिना, दीपक लोहनी, सत्या अधिकारी, मन्दिरा मधुश्री, तुलसी पण्डित, मधुसूदन प्रसाद घिमिरे, रामकुमार पण्डित, लोकनाथ पुडासैनी, डा छायादत्त न्यौपाने, डा सीता सुवेदी पन्थी, देवीप्रसाद वनवासी, विश्वप्रेम अधिकारी, डा. कृष्ण न्यौपाने, शम्भुप्रसाद कोइराला, प्राध्यापक हुमकान्त पाण्डे, मिलन समीर लगायतका चार दर्जन साहित्यकारले लघुकथा, कविता, हाइकु, गजल प्रस्तुत गर्नुभयो ।
सम्मेलनमा ‘अबको साहित्य कस्तो हुनुपर्छ ?’, ‘नारीलाई सिर्जनामा कलम चलाउन पुरुषलाई भन्दा के फरक छ ?’, ‘स्याङ्जाको लघुकथाको अवस्था के कस्तो छ ?’, ‘साहित्यमा केन्द्र र मोफसलको के भिन्नता छ ?’, ‘साहित्य र संस्कृतिको विकासमा स्थानीय तहको के भूमिका हुन्छ ?’, ‘अबको साहित्य सिर्जनामा प्रविधिको के भूमिका हुनसक्छ ?’ भन्ने शीर्षकमा साहित्यिक बहस गरिएको थियो ।
बहस सत्रमा प्रा.डा. लालुप्रसाद पौड्यालले सात वटा विषयवस्तुको उठान गर्नुले समग्र कार्यक्रमलाई सार्थक बनाएको विचार व्यक्त गर्नुभयो । गोष्ठीमा संस्थाका संरक्षक पूर्व मन्त्री त्रिलोचन ढकालले स्थापना गरेको आनन्दमणि टुल्की नन्दकला साहित्यिक पुरस्कारले प्रा.डा. जगदीशचन्द्र भण्डारीलाई सम्मान गरिएको हो ।
डा. भण्डारीलाई ताम्रपत्र सहित दोसल्ला ओढाएर पच्चीस हजार रुपियाँ प्रदान गरिएको हो भने डा महेश्वर शर्मा र डा. पुष्करराज भट्टलाई सम्मान गरिएको हो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


