वालिङ महोत्सव तथा कृषि मेलामा पुरस्कृत भए उत्कृष्ट कृषकहरु ।

राधाकृष्ण डुम्रे/वालिङ :
स्याङ्जाको वालिङमा सञ्चालन भएको वालिङ महोत्सव तथा कृषि व्यापारमेलामा उत्कृष्ट कृषकहरुलाई पुरस्कृत गरिएको छ । मेलामा प्रदर्शनीका लागि कृषकहरुले आआफ्ना उत्पादनहरु ल्याएका थिए । उनीहरुले गरेको उत्पादनका आधारमा कृषकहरुलाई पुरस्कृत गरिएको वालिङ उद्योग बाणिज्य संघका अध्यक्ष चेतनारायण श्रेष्ठले जानकारी दिनुभयो ।
मेलामा एक सय ३७ जना कृषकले आआफ्ना उत्पादनहरु प्रतिस्पर्धाका लागि मेलामा राखेका थिए । जसमा ३१ जना कृषकलाई पुरस्कृत गरिएको छ भने मेलामा सहभागी सवै कृषकलाई सम्मान गरिएको अध्यक्ष श्रेष्ठले बताउनु भयो ।
माघ २३ गतेदेखि २५ गतेसम्म गरिएको कृषि प्रर्दशनीमा तरकारी उत्पादन, फलफूल उत्पादन, नगदेवाली, मसलाबाली र अन्नबाली गरि पाँच विधामा पुरस्कृत गरिएको कृषि प्रदर्शनी प्रतियोगिताका संयोजक पिताम्वर भुसालले जानकारी दिनुभयो ।

प्रदर्शनीमा राखिएका कृषि उपजको मुल्याङ्कन गर्दै जिल्ला कृषि ज्ञान केन्द्र,कृषि स्रोत विकास केन्द्र र वालिङ नगरपालिकाका कृषि शाखाका कर्मचारीहरु ।

मेलामा गरिएको प्रदर्शनीका आधारमा तरकारीबाली तर्फ वालिङ नगरपालिका–५ की भिमा रेग्मी प्रथम हुनु भएको छ यस्तै वालिङ–५ कै हुमनाथ लामिछाने द्धितिय, र वालिङ–१३ की जमुना तिवारी तृतिय हुनुभएको छ ।
त्यस्तै फलफूलतर्फ वालिङ–५ की शुसिला लामिछाने प्रथम, वालिङ–६ की गंगा रेग्मी द्धितिय र वालिङ–६ कै रोमणीप्रसाद रेग्मी तृतिय हुनुभएको छ ।
यस्तै नगदेबालितर्फ वालिङ–१४ का नारायण खाँण प्रथम, वालिङ–११ का थानबहादुर थापा द्धितिय र वालिङ–५ का सन्तोष लामिछाने तृतिय हुनुभएको छ ।
त्यस्तै अन्नबालीतर्फ वालिङ–१ का संजय काफ्ले प्रथम, वालिङ–५ का भीमराज लामिछाने द्धितिय र वालिङ–१ की अम्बिका अर्याल तृतिय हुनुभएको छ ।
त्यस्तै मसलाबालीमा वालिङ–२ का लोकनाथ ढुंगाना प्रथम, वालिङ–५ का हुमनाथ लामिछाने द्धितिय र वालिङ–५ कै गिरधारी लामिछाने तृतिय हुनुभएको छ ।
प्रतियोगितामा १६ जनालाई शान्त्वना पुरस्कार प्रदान गरिएको संयोजक भुसालले बताउनु भयो । पुरस्कृत हुने सबैलाई नगद र प्रमाणपत्रले सम्मान गरिएको हो ।
प्रतियोगितामा काउली, टमाटर, सुन्तला, मेवा, केरा, च्याउ, उँखु, कफि, फापर, मकै, अलैँची, अकबरे खुर्सानी, अदुवालगायत विभिन्न तरकारी, फलफुल, नगदेबाली, अन्नबाली र मसलाबाली प्रर्दशनी गरिएको थियो ।

Facebook Comments Box