दोस्रो चापाकोट महोत्सवको तयारी तिव्र, विभिन्न उपसमिति मार्फत काम गरिदै ।
वालिङ,माघ २९ गते ।
स्याङ्जाको चापाकोटमा हुन लागेको दोस्रो चापाकोट महोत्सवको तयारी तिब्र पारिएको छ ।
चापाकोट उद्योग वाणिज्य संघको आयोजना र चापाकोट नगरपालिकाको सहयोगमा हुन गइरहेको “दोस्रो चापाकोट महोत्सव एवं व्यापार मेला २०८० ” को तयारी अन्तिम चरणमा पुगेको हो ।
फागुन ३ देखि १३ गतेसम्म चापाकोट नगरपालिका ९ गंगालाल माविको खेलमैदानमा हुने मूल आयोजक समितिका संयोजक एवं चापाकोट उद्योग वाणिज्य संघको अध्यक्ष निर्मल राना मगरले जानकारी दिनुभयो । महोत्सव भव्य र सफल बनाउनका लागि ३९ वटा उपसमिति गठन गरिएको अध्यक्ष रानाको भनाई छ । उपसमिति मार्फत कामको बाँडफाँड र जिम्मेवारी तय गरिएकोले काम गर्न सहज भएको अध्यक्ष रानाले बताउनु भयो ।
महोत्सवको प्रचारप्रसार पनि तिब्र पारिएको प्रचारप्रसार उपसमितिका संयोजक गोपिकृष्ण रेग्मीले बताउनु भयो । उहाँका अनुसार बजार सजाउने काम पनि सुरु भईसकेको छ ।
मेलामा कृषि प्रर्दशनी, धार्मिक तथा पर्यटकीय स्थलहरुको फोटो प्रर्दशनी, रतौली गित प्रतियोगिता, भजन प्रतियोगिता, नृत्य प्रतियोगिता, जिल्लास्तरीय भलिवल प्रतियोगिता, राष्ट्रिय कलाकारहरुको लगाएतका कार्यक्रम हुने चापाकोट उद्योग बाणिज्य संघले जनाएको छ ।
महोत्सवमा गाउँ– गाउँमा उत्पादित मौलिक एवं कृषिजन्य वस्तुहरुको प्रदर्शनी र बिक्रीलाई उच्च प्राथमिकतामा राखिएको छ । महोत्सवमा कृषि तथा हस्तकला, सेवा तथा औद्योगिक र व्यापारिक गरी २५० स्टलहरु राखिने संघले जनाएको छ ।

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


