आठौं वालिङ महोत्सव वालिङ खेलमैदानमै हुने

वालिङ :

वालिङ उद्योग वाणिज्य संघ यतीबेला आठौं वालिङ महोत्सव २०८० को तयारीमा जुटेको छ ।

आगामी माघ १८ गतेदेखी २८ गतेसम्म आयोजना हुने महोत्सव कहाँ गर्ने भन्ने स्थल टुंगो नलाग्दा अन्यौल भएको विषय नगरपालिकाले अन्त्य गरेको छ ।

वालिङ नगरपालिकाले वडा अध्यक्षहरूको वैठकवाट महोत्सव सन्चालनका लागि खेलमैदान दिने निर्णय गरिएको नगर प्रमुख कृष्ण खाँणले जानकारी दिए ।

वालिङ नगरपालिकाले राष्ट्रिय महिला फुटवल प्रतियोगिता वालिङ खेलमैदानमा आयोजना गर्दा झण्डै ५० लाखको लागतमा हरियो दुवो लगाएको थियो । अहिले दुवो लगाएको ठाउँमा नगरपालिकाले संरक्षण गर्ने भन्दै तारबार गरेपछि महोत्सव स्थल अन्यौलमा परेको थियो ।

नगरपालिका, वालिङ उद्योग वाणिज्य संघ र सरोकारवाला राजनैतिक दल नागरिक समाज संग राय सल्लाह वमोजिम पुर्ववत स्थानमै महोत्सव सन्चालन गर्न दिने निर्णय भएको नगरपालिकाले जनाएको छ ।

उता उद्योग वाणिज्य संघले महोत्सव स्थलको विषयमा जग्गा व्यवस्थापन र खेलमैदान सहजीकरणका लागि पूर्व पदाधिकारी पदमराज गुरूङको नेतृत्वमा ३ सदस्यी समिती गठन गरेको थियो ।

खेलमैदानको दुवो संरक्षणका लागि उद्योग वाणिज्य संघले महोत्सवको नाफाको ५ प्रतिशत रकम खर्च गर्ने भएको छ ।

Facebook Comments Box