मुक्तिनाथ विकास बैंकले आफ्नो १८औँ वार्षिकोत्सव

वालिङ :

मुक्तिनाथ विकास बैंकले आफ्नो १८औँ वार्षिकोत्सव मनाएको छ । बैंकको १८औँ वार्षिकोत्सव वालिङ साखामा पनि मनाईएको छ । कार्यक्रममा बोल्दै वालिङ उद्योग वाणिज्य संघका अध्यक्ष चेतनारायण श्रेष्ठले पैसालाई कसरी पुँजीमा परिणत गर्ने भन्ने विषयमा बंैकहरुले सोँच्नुपर्ने बताउनुभयो । बैंकले उत्पादनमुलक कृषि क्षेत्रमा लगानी गर्नुपर्नेमा जोड दिँदै संघका अध्यक्ष श्रेष्ठले बैंकको लगानी कहाँ र कसरी प्रयोग भईरहेको भन्ने विषयमा समेत बैंक चनाखो बन्नुपर्ने बताउउनुभयो ।

कार्यक्रममा संघका वरिष्ठ उपाध्यक्ष अनुपमा ढुंगाना तिवारी, कोषाध्यक्ष खगुपति न्यौपाने, प्रेस युनियनका निर्वतमान जिल्ला अध्यक्ष प्रदिप कोईरालालगायतले बोल्नुभएको थियो । स्याङ्जाबाट शुरु भएको बैंक अहिले राष्ट्रिय स्तरको बैंक बनेको छ । कार्यक्रममा खगेन्द्र अर्याल, अर्जुन श्रेष्ठ, श्याम सुँनारलगायतको सहभागिता रहेको थियो । कार्यक्रममा बैंकका वालिङ साखा प्रबन्धक नविन काफ्लेले स्वागत गर्नुभएको थियो भने संचालन उमा भण्डारीले गर्नुभएको थियो ।

Facebook Comments Box