दोस्रो चापाकोट महोत्सव फागुन ३ बाट हुने

स्याङजा :

दोस्रो चापाकोट महोत्सव तथा व्यापार मेला २०८० हुने भएको छ । चापाकोट उद्योग वाणिज्य संघद्वारा आगामी फागुन ३ देखि १३ गतेसम्म महोत्सव आयोजना गरिने भएको हो ।

बुधबार चापाकोटको सुन्तलीटारमा नगरपालिकाका प्रमुख देव बहादुर खाँणको विशेष उपस्थितिमा महोत्सवको मिति र स्थान घोषणा गरिएको हाे ।

दोस्रो चापाकोट महोत्सवका सूचना तथा प्रसार प्रसार संयोजक गोपीकृष्ण रेग्मीका अनुसार अनुसार चापाकोट उद्योग वाणिज्य आयोजक र चापाकोट नगरपालिका संरक्षक रहने दोस्रो चापाकोट महोत्सव गंगालाल माध्यमिक विद्यालय सुन्तलीटारको खेलमैदानमा आयोजना हुने भएको छ ।

मेलाका मुख्य आकर्षणहरूमा दैनिक राष्ट्रिय स्तरका ख्याती प्राप्त लोकदोहोरी, आधुनिक र पप गायक गायिकाहरूको प्रस्तुति रहनेछ । यस्तै गरी जिल्ला स्तरीय भलिबल प्रतियोगिता, चापाकोट डान्स आइडल, भजन प्रतियोगिता एवं विविध मनोरंजनात्मक कार्यक्रमहरू आयोजना गरिने आयोजकले जनाएको छ ।

Facebook Comments Box