वालिङ महोत्सवमा स्थानीय उत्पादनलाई प्राथमिकता दिइदै ।

राधाकृष्ण डुम्रे/वालिङ :
स्याङ्जाको वालिङमा हुन लागेको आठौं वालिङमा महोत्सवमा स्थानीय उत्पादनलाई प्राथमिकतामा राखिएको छ । स्थानीय उत्पादनलाई प्राथमिकता दिन स्थानीयले माग गरे अनुशार महोत्सवमा स्थानीय उत्पादनको बजारीकरण र प्रवद्र्धन गरिने आयोजक उद्योग बाणिज्य संघले जनाएको छ ।
आगामी माघ १८ देखि २८ सम्म वालिङ खेल मैदानमा हुने महोत्सवका लागि स्थानीय उत्पादन र बजारीकरणलाई मूख्य प्राथमिकता दिन काम सुरु भएको संघका अध्यक्ष चेतनारायण श्रेष्ठले जानकारी दिनुभयो ।
वालिङ सहित जिल्लाका विभिन्न स्थानमा रहेका स्थानीय उत्पादनको खोजी र उनीहरुलाई महोत्सवमा आउन प्ररित गरिएको अध्यक्ष श्रेष्ठको भनाई छ ।
महोत्सवमा कृषि र हस्तकलाका सामाग्रीका लागि निशुल्क स्टल उपलव्ध गराईएको अध्यक्ष श्रेष्ठले बताउनु भयो । उहाँले भन्नुभयो,“आधुनिक कृषि औजार प्रदर्शनीका लागि पनि निशुल्क स्टल उपलव्ध गराउँदैछौं ।” स्थानीय उत्पादन भएका अन्य औद्योगिक सामाग्रीका लागि ३० प्रतिशत छुटको व्यवस्था गरिएको अध्यक्ष श्रेष्ठको भनाई छ ।
गाउँगाउँमा भएका उत्पादनहरुको विवरण संकलन गर्ने काम भईसकेको भन्दै कृषि प्रदर्शनीका संयोजक शिवलाल डुम्रेले स्थानीय कृषि सहकारी तथा हस्तकला उत्पादकहरु सम्पर्कमा आईरहेको जानकारी दिनुभयो । उनीहरुलाई निशुल्क स्टल दिने भन्दै संयोजक डुम्रेले आवश्यक अन्य सहयोग गर्न संघ तयार रहेको बताउनु भयो ।
पछिल्ला समय मेला र महोत्सव आयातीत उत्पादन बिक्री वितरणमा प्रेरित भइरहेका भन्दै जिल्लाका नागरिकले गुनाशो गर्दै आएका थिए । नागरिकको चाहना अनुसार नै आफूहरु स्थानीय उत्पादनलाई प्राथमिकता दिने गरी अगाडि बढेको स्थानीय उत्पादन प्रदर्शनीका संयोजक पिताम्वर भुसालले जानकारी दिनुभयो ।
जिल्ला कृषि ज्ञान केन्द्र र जिल्लाका विभिन्न पालिकाहरु बीचको समन्वयमा स्थानीय उत्पादन र कृषिउपजको प्रदर्शनीको व्यवस्था मिलाएको छ । उत्कृष्ट कृषिउपज प्रदर्शन गर्ने किसानलाई पुरस्कारको व्यवस्था गरिएको आयोजकले जनाएको छ ।

Facebook Comments Box