इपिएस कोरिया सम्वन्धि प्रदर्शनको क्रममा दुई जनाको मृत्यु ।

काठमाण्डौ:
ललितपुरको बालकुमारीमा भएको प्रदर्शनमा घाइते भएका अर्का एक युवकको पनि मृत्यु भएको छ । नेपाल प्रहरीका प्रवक्ता कुवेर कडायतले घटनापछि गम्भीर घाइते भएर उपचारका लागि अस्पताल पुर्‍याइएका वीरेन्द्र शाहको पनि मृत्यु भएको जानकारी दिए ।

यसअघि प्रदर्शनको क्रममा २३ वर्षीय सुजन राउतको मृत्यु भएको थियो । जुम्लाका राउत भक्तपुर क्षेत्रमा बस्दै आएका थिए।

कोरिया जानका लागि रोजगार अनुमति प्रणाली (ईपीएस) परीक्षामा फारम नै भर्न नपाएको भन्दै युवाहरुले बिहानै देखि प्रदर्शन गरेका थिए ।

प्रदर्शनलाई नियन्त्रणमा लिन प्रहरीले सुरुमा अश्रुग्याँस हानेको थियो । स्थिति साम्य हुने स्थिति नदेखिएको भन्दै हवाई फायर समेत गरेको थियो ।

Facebook Comments Box