गौशाला २६ बालिग ठहर, तर सन्दीपले सहमतिबिना सम्बन्ध राखेको अदालतको निष्कर्ष

काठमाडौँ :

काठमाडौँ जिल्ला अदालतले सन्दीप लामिछानेविरुद्ध जबरजस्ती करणीको जाहेरी दिने किशोरी साबालिग रहेको ठहर गरेको छ । काठमाडौँ जिल्ला अदालतले शुक्रबार फैसला सुनाउँदै जाहेरवाली साबालिग रहेपनि बलात्कार भएको ठहर गरेको हो ।

काठमाडौँ जिल्ला अदालतका न्यायाधीश शिशिरराज ढकालको इजलासले मिसिलसाथ प्राप्त कागजातको आधारमा जाहेरवाली गौशाला २६ को जन्म २०६१ असार १८ गते भएको ठहर गरेको हो । उक्त मितिलाई जन्मेको दिन मान्दा वारदात भएको मिति २०७९ भदौ ५ गते जाहेरवालीको उमेर १८ वर्ष २ महिना पुगेको ठहर्छ ।

जाहेरवालीको उमेर पुगेको भएपनि गौशाला २६ को नाजुक आर्थिक अवस्थाको फाइदा उठाई क्रिकेटर सन्दीप लामिछानेले करणी गरेको भन्दै त्यसलाई सहमतिको करणी मान्न नसकिने अदालतको ठहर छ । अदालतले करणी लेनदेन भएको ठहर गरेपनि आर्थिक अवस्था लगायत अन्य अवस्थाको फाइदा उठाएर करणी गरेको कारण त्यसलाई जबरजस्ती करणी मानेको छ ।

उमेर पुगेको भएपनि जबरजस्ती करणी भएकाले सन्दीपलाई ७ देखि १० वर्षसम्मको कैद हुने भएकाले सजाय निर्धारणका लागि आगामी पुस २५ गतेको पेशी तोकिएको पनि संक्षिप्त फैसलामा उल्लेख छ । File-pic

Facebook Comments Box