भीरकोट नगरपालिकाद्धारा निशुल्क जैघाँस वितरण

वालिङ :

भीरकोट नगरपालिकाले जै घाँसको बिउ वितरण गरेको छ । नगरपालिकाले निशुल्क घाँसको बिउ वितरण गरेको हो । नगरपालिकाले यसअघि घाँस मागको निवदन पेश गर्न सूचना निकालेको थियो । सोहि माघको आधारमा घाँसको बिउ वितरण गरेको नगरपालिकाले जनाएको छ । घाँसको बिउ भोलीसम्म वितरण हुनेछ ।

१२०० किलो घाँसको बिउ वितरण गर्ने नगरपालिकाले कृषि तथा पशु फर्म, समुह र कृषकहरुलाई वितरण गरेको हो । घाँसको बिउ वितरण कार्यक्रममा नगरप्रमुख गोविन्द कुमार कर्माचार्यले कृषकलाई आवश्यक प्राविधिक सहयोग नगरपालिकाले गर्ने भन्दै कृषि उत्पादनमा नगरपालिकालाई आत्मनिर्भर बनाईने बताउनुभयो । कृषकहरुलाई उत्पादनको लागी प्रोत्साहनका कार्यक्रमहरु ल्याईएको भन्दै नगरपालिकाबाट प्राप्त हुने सेवाको लाभ लिन नगरबासीलाई आग्रह गर्नुभयो । कृषकहरुले उत्पादन गर्नुभएको कृषि उपजको बजारीकरणका लागी नगरपालिकाले सहयोग गर्ने भन्दै ढुक्क भएर उत्पादनमा लाग्न नगरप्रमुख कर्माचार्यले आग्रह गर्नुभयो ।

Facebook Comments Box