लागुऔषध मुद्धामा ५ बर्ष कैद पाएका व्यक्ति चार बर्ष पछि पक्राउ ।

राधाकृष्ण डुम्रे/स्याङ्जा :
लागुऔषध मुद्धामा अदालतबाट दोसी ठहरिएका एक व्यक्तिलाई प्रहरीले चार बर्ष पछि पक्राउ गरेको छ ।
गुल्मीको कालिगण्डकी गाउँपालिका वडा नं. २ घर भई हाल स्याङजाको फेदिखोला गाउँपालिका वडा नं. २ उपल्लो कुँडुले बस्ने ४४ बर्षीय रेशम थापा मगर लाई पक्राउ गरिएको जिल्ला प्रहरी कार्यालय स्याङ्जाका प्रवक्ता तथा प्रहरी नायव उपरिक्षक ईन्द्र बहादुर रानाले जानकारी दिनुभयो ।
लागुऔषध (ब्राउन सुगर) हिरोइन मुद्धामा संलग्न रहेको प्रमाणित भए पछि स्याङ्जा जिल्ला अदालतले २०७६ असार १ गते ५ बर्ष कैद र १० हजार जरिवानाको फैसला गरेको थियो । अदालतले दोसी ठहर्याए पनि थापा लामो समय देखि फरार रहदै आएका प्रवक्ता रानाले बताउनुभयो ।
पक्राउ परेका थापा मगरलाई अदालतमा पेश गरी कैद भुक्तानका लागि कारगार चलान गरिएको प्रहरीले जनाएको छ ।

Facebook Comments Box