स्याङ्जाबाट लागु औषध सहित एक युवक पक्राउ

स्याङजा, मङ्सिर ५ गते ।

स्याङ्जाको अर्जुनचौपारीबाट अवैध लागु औषध सहित एक युवकलाई प्रहरीले पक्राउ गरेको छ ।
अर्जुनचौपारी गाउँपालिका वडा नं. १ रैतका २८ वर्षीय दिल बहादुर क्षेत्रीलाई लागु पदार्थ सहित नियन्त्रणमा लिइएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायव उपरीक्षक ईन्द्र बहादुर रानाले जानकारी दिनुभयो ।
प्रहरीले क्षेत्रीको घरबाट लुकाई छिपाई राखेको दुई एम एल झोल सहितको फेनार्गन ४२ एम्पुल, आइपिपिएल ३८ एम्पुल, डाईजेपाम २९ एम्पुल गरी १०९ एम्पुल लागु औषध फेला पारिएको रानाले बताउनु भयो ।
क्षेत्रीले आफ्नै घरमा लागु औषध लुकाई छिपाई राखेको छ भन्ने गोप्य सूचनाको आधारमा खोजतलास गरिएको प्रहरीले जनाएको छ ।
क्षेत्रीलाई लागु औषध सम्वन्धी मुद्धा दर्ता गरी अनुसन्धान अगाडि बढाईएको प्रहरीको भनाई छ ।

Facebook Comments Box