भारतीय गाडी र मोटरसाईकल ठोकिदा एक गम्भिर घाईते,मोटरसाईकल सडक मै जल्यो ।

वालिङ मङ्सिर ९ गते ।
स्याङ्जामा भारतीय नम्वर प्लेटको कार र मोटरसाईकल एक आपसमा ठोकिदा शसस्त्र प्रहरी जवान गम्भिर घाईते हुनु भएको छ ।
पोखराबाट बुटवल तर्फ जाँदै गरेको युपी ४५ भि ४६०१ नम्वरको भारतीय नम्वर प्लेटको कार र बुटवलबाट वालिङ तर्फ आउदै गरेको लु ११ प ६७११ नम्वर मोटरसाईकल एक आपसमा ठोकिएका हुन् ।
गल्याङ नगरपालिका वडा नं.८ करादीमा भएको दुर्घटनामा परी मोटरसाईकल चालक शसस्त्र प्रहरी जवान कुल बहादुर राना गम्भिर घाईते हुनु भएको छ । यस्तै गल्याङ ८ का बर्ष २३ को सुरज राना घाईते हुनु भएको छ उहाँको अवस्था वालिङमा उपचार भइरहेकाे छ । कुल बहादुर राना शसस्त्र प्रहरीको ३० नं.गुल्म वालिङमा कार्यरत रहनु भएको ट्राफिक प्रहरी पोष्ट वालिङका ईन्चार्ज रमेश थापाले जानकारी दिनुभयो ।
दुर्घटना पछि मोटरसाईकलमा आफै आगो लागेको र जलेर पूर्णरुपमा नष्ट भएको ईन्चार्ज थापाले बताउनु भयो ।