वालिङ नगरपालिकाद्वारा शिक्षक तथा कर्मचारीलाई राजनीतिक कार्यक्रममा संलग्न नहुँन निर्देशन, अटेर गरे कारबाही हुने ।

मणी प्रसाद अर्याल/वालिङ :

वालिङ नगरपालिकाले शिक्षक तथा निजामती कर्मचारीलाई कुनै किसिमको राजनीतिक कार्यक्रममा संलग्न नहुँन निर्देशन गरेको छ । नगरपालिकाका प्रमुख कृष्ण खांणले एक सूचना जारी गर्दै पालिकाका शिक्षक तथा कर्मचारीलाई यस्तो निर्देशन दिनुभएको हो ।
शिक्षा ऐन २०२८ को दफा १६ को उपदफा ङ को ५ छ तथा वालिङ नगरपालिकाको स्थानीय शिक्षा ऐन २०७४ संसोधन सहितको दफा १८ को उपदफा १ चमा विद्यालय तहमा कार्यरत शिक्षक तथा कर्मचारी, निजामती सेवा ऐनको दफा ४४ मा निजामती कर्मचारीले कुनै राजनीतिक गतिविधिमा संलग्न हुन नपाउने व्यवस्था स्पष्ट रुपमा रहेको भन्दै यस्तो निर्देशन गरिएको हो ।
साथै नगरपालिका नगरकार्यपालिकाको यही भदौ २६ गतेको बैठकको निर्णय अनुसार विद्यालयमा कार्यरत शिक्षक कर्मचारी र निजामती कर्मचारीहरु कार्यालय समयमा कुनै पनि राजनीतिक कार्यक्रमहरुमा संलग्न नहुने निर्णय गरेको हुँदा यो सूचना जारी गरिएको नगरपालिकाले जनाएको छ । यो निर्णय विपरित कार्य गरेको पाईएमा कानुन बमोजिम कारबाही हुने समेत नगरपालिकाले जनाएको छ ।

Facebook Comments Box