अन्तराष्ट्रिय साक्षरता दिवसको अवसरमा वालिङमा पढाइ मेला

वालिङ :
अन्तराष्ट्रिय साक्षरता दिवसको अवसरमा वालिङ पढाइ मेला सम्पन्न भएको छ । रुम टु रिड र सूर्योदय क्लबको आयोजनामा सञ्चालन भएको पढाइ मेलामा करिव एक हजार जना विद्यार्थीको सहभागिता रहेको आयोजकले जनाएको छ ।
कार्यक्रममा सहभागि विद्यार्थीहरुले प्रदर्शनीमा राखिएका पुस्तकहरु अध्ययन गर्नुका साथै पढाइ र यसको महत्वका बारे आफ्ना अनुभवहरु समेत साटासाट गरेका थिए ।
पुस्तक अध्ययनका साथै कक्षा एक देखि पाँच सम्म कोर्सको पढाइ भन्दा अन्य २५०० बाल पुस्तक अध्ययन गर्ने राष्ट्रिय माध्यमिक विद्यालय वालिङकी छात्रा लुवीना लामालाई सम्मान समेत गरिएको थियो ।
कार्यक्रममा दहथुम माध्यमिक विद्यालय भीरकोट का पाँच जना विद्यार्थीहरुले बालकथा वाचन गरेका थिए । कार्यक्रममा १५ जना बालबालिकाले बाल कथा वाचन गरेका थिए ।
मेलामा विभिन्न शीर्षकका बालकथाका पुस्तक तथा कार्डहरु प्रदर्शन गरी सहभागि सबैलाई निशुल्क रुपमा पढ्न पाउने व्यवस्था गरिएको र करिव ९०० बाल कथाका कार्डहरु निशुल्क वितरण गरिएको रुम टु रिडका बरिष्ठ कार्यक्रम अधिकृत ओम कुमार श्रेष्ठले जानकारी दिनुभयो ।

Facebook Comments Box