सडक भासिँदा पृथ्वी राजमार्ग अवरुद्ध : ठुला सवारी साधन बाटोमै रोकिए

तनहुँ, साउन २३ गते ।

पृथ्वी राजमार्गको दमौली–डुम्रे सडकखण्ड ठुला सवारी साधनका लागि अवरुद्ध भएको छ । व्यास नगरपालिका–१२ देउरालीमा मङ्गलबार बिहान साढे ११ बजे सडक भासिएर अवरुद्ध भएको प्रमुख जिल्ला अधिकारी छविलाल रिजालले जानकारी दिनुभयो ।

सुरुमा दुवैतर्फ अवरुद्ध भएको सडक अहिले एकतर्फी सञ्चालनमा ल्याइएको छ । तर ठुला सवारी साधन भने ओहोरदोहोर गर्न सकेका छैनन् । सडक विस्तारको क्रममा सडकको दुवैतर्फ खनिएको स्थानमा खाल्डो परेको र अविरल वर्षापछि भासिएको प्रजिअ रिजालले जानकारी दिनुभयो । पानी परिरहेकोले दुवैतर्फ सडक सञ्चालन गर्न समय लाग्ने उहाँको भनाइ छ ।

Facebook Comments Box