स्याङ्जामा माइक्रो र बस ठोकियो,१० जना भन्दा धेरै घाईते, विवरण आउन बाँकी ।

वालिङ,साउन २२ गते ।
स्याङ्जाको भिरकोट नगरपालिका ४ छङछाङ्दीमा माइक्रो र बस एक आपसमा ठोकिएका छन् दुर्घटनामा परि १० जना भन्दा धेरै घाईते भएका प्रहरीको भनाई छ ।
काठमाडौँबाट स्याङ्जाको वालिङ जादैँ गरेको बा ३ प १००३ नम्बरको माइक्रो बस र बुटवलबाट पोखरा जाँदै गरेको भारतीय पर्यटक चढेको भारतीय बस सोमवार दिउसो एक आपसमा ठोकिएका हुन् ।
जिल्ला प्रहरी कार्यालय स्याङ्जाका प्रवक्ता एवं प्रहरी नायव उपरीक्षक रविन्द्र खनालका अनुशार दुर्घटनाको विवरण संकलन गर्ने काम भईरहेको छ । पूरा विवरण आउन बााकी नै छ । घाईतेहरुको उद्धार कार्य पनि जारी रहेको छ ।
घाइतेमध्ये माइक्रो बसका चालक र सहचालकलाई उपचारका लागि पोखरा पठाईएको छ बाँकी सबै जनाको गह्रौ प्राथमिक अस्पताल वालिङ मा उपचार भइरहेको प्रहरीले बताएको छ ।

Facebook Comments Box