स्याङ्जा : सवारी दुर्घटनामा मृत्यु हुनेको सङ्ख्या घट्दा राजस्व बढ्यो

स्याङ्जा, साउन ७ गते :

आर्थिक वर्ष २०७९-८० मा ट्राफिक प्रहरी कार्यालय स्याङ्जाले राजस्व सङ्कलनमा वृद्धि गरेको छ भने दुर्घटनामा मृत्यु हुनेको सङ्ख्यामा कमी आएको बताएको छ ।

ट्राफिक प्रमुख प्रवीण आचार्यले ट्राफिक प्रहरीले एक करोड ७२ हजार राजस्व सङ्कलन गरेको  बताउनुभयो । ट्राफिकले चार हजार ९२२ मोटर साइकल, एक हजार ८९ ट्रक, एक हजार ६६९ बस, तीन हजार २५४ जिप र कार, एक हजार ४२९ ट्याक्टर, अन्य ७६४ गरी  १३ हजार १२७ सवारी साधनलाई कारबाही गर्दै उक्त राजस्व सङ्कलन गरेको हो ।

आव ०७८ -७९ मा नौ हजार ९१९ सवारी साधनलाई कारबाही गर्दै ७० लाख ८४ हजार राजस्व सङ्कलन ट्राफिक प्रहरीले गरेको थियो । ट्राफिक प्रहरीले सबैभन्दा धेरै मोटरसाइकलबाट ४० लाख चार हजार राजस्व सङ्कलन गरेको हो । यस्तै दुर्घटनामा मृत्यु हुनेको सङ्ख्या अघिल्लो आर्थिक वर्षभन्दा २८ जनाले कमी आएको छ ।

आव ०७९-८० मा यहाँ १८ वटा सडक दुर्घटनामा १२ जनाको मृत्यु भएको आचार्यले बताउनुभयो । दुर्घटनामा १० पुरुष, एक महिला र एक बच्चाको मृत्यु भएको हो भने १३ जना घाइते भएका हुन् । अघिल्लो आवमा २५ दुर्घटनामा ४० जनाको मृत्यु भएको थियो । यस्तै ट्राफिक प्रहरी कार्यालयले आव ०७९-८०मा दुई लाख २० हजार ४९६ जनामा जनचेतना फैलाएको छ । दुर्घटना न्यूनीकरण तथा ट्राफिक  नियम पालना गराउने उद्देश्यले जनचेतना फैलाएको हो ।

सहायक हवलदार हेमबहादुर मल्लले दुई हजार ८९० पटक जनचेतना फैलाउँदा जिल्लाका धेरै नागरिकमा जनचेतना पुगेको बताउनुभयो । अघिल्लो आवमा ४१५ पटकमा ३३ हजार ७२५ जनामा जनचेतना ट्राफिकले फैलाएको थियो । जिल्लामा रहेका २१ जना ट्राफिक प्रहरीको सक्रियतामा राजस्व सङ्कलन बढी हुँदा दुर्घटनामा कमी ल्याउन सफल भएको मल्लले बताउनुभयो । Gorkhapatra/ File-pic

Facebook Comments Box

सेरोफेरो

थप सामाग्री

स्याङ्जामा बाँदर आतंक ‘पाकेको बाली भित्राउनै पाउँदैनन् किसान’

सहकारीको ऋण समयमै चुक्ता नगरे कडा कानुनी कारबाही गरिने

वालिङले ‘एक स्वास्थ्य’ नीति लागू गर्ने

समाचार

थप सामाग्री
वालिङमा शिक्षक मेन्टरिङ तालिम सम्पन्न, नवप्रवेशी शिक्षकलाई प्रमाणपत्र
१ हप्ता अगाडि

वालिङ : वालिङ नगरपालिकाले शिक्षकहरूको पेशागत क्षमता अभिवृद्धि तथा विद्यालय शिक्षाको गुणस्तर सुधार गर्ने उद्देश्यले सञ्चालन गरेको शिक्षक मेन्टरिङ कार्यक्रम…

वालिङले ‘एक स्वास्थ्य’ नीति लागू गर्ने
१ हप्ता अगाडि
हल गोरु पाल्ने कृषकलाई पाँच हजार
१ हप्ता अगाडि
स्याङ्जामा सुरक्षित पर्यटक सचेतना अभियान
२ हप्ता अगाडि

Recent Posts

TOP