वालिङ क्याम्पसको वित्तिय संकट समाधानका लागी गठित कार्यदलले बुझायो प्रतिवेदन

वालिङ, ३१ जेठ :

वालिङ क्याम्पसको वित्तिय संकट समाधानका लागी गठित कार्यदलले प्रतिवेदन बुझाएको छ । क्याम्पसको वित्तिय संकट समाधानका लागि सुझाव कार्यदलले आफ्नो प्रतिवेदन सञ्चालक समितिलाई हस्तान्तरण गरेको हो । कार्यदलले तयार गरेको पेज ७७ र दफा ९ सहितको प्रतिवेदन संचालक समितिलाई बुझाएको हो ।

यसअघि २३ वैशाखमा बसेको सञ्चालक समितिको बैठकले क्याम्पसमा आर्थिक संकटकाल घोषणा गरेको थियो । क्याम्पसलाई थप व्ययाभारबाट जोगाउन आर्थिक संकटकाल घोषणा गरि संकट समाधानका लागी सञ्चालक समितीका सदस्य डा. अच्युतशरण अर्यालको संयोजकत्वमा भरतप्रसाद बगाले, नित्यानन्द तिवारी, कविता भुषाल र अनुपमा ढुंगाना सदस्य रहेको संकट समाधान सुझाव कार्यदल गठन गरी काम अगाडि बढाइएको थियो । उक्त समितिले तयार पारेको प्रतिवेदन क्याम्पसलाई बुझाईएको हो । प्रतिवेदन ग्रहण गरी संचालक समितिले प्रतिवेदनको अध्ययन गरी कार्यान्वयनमा लैजाने निर्णय गरेको छ ।

क्याम्पसले झन्डै ४ करोड बढी ऋणको दायित्व बोक्न बाध्य छ । हरेक महिना आर्थिक बोझ थपिएपछि वर्तमान सञ्चालक समितिले क्याम्पसमा आर्थिक संकटकाल घोषणा गरेको थियो ।

Facebook Comments Box