मोबाइल चार्ज गर्ने क्रममा करेन्ट लागेर स्याङ्जामा एक बालिकाको मृत्यु ।

स्याङ्जा, १२ असार ।
स्याङ्जाको विरुवा गाउँपालिकामा करेन्ट लागेर साेमबार दिउँसो एक बालिकाको मृत्यु भएको छ । विरुवा गाउँपालिका ७ बलेवाका दल बहादुर गुरुङकी १० वर्षीया छोरी गीता गुरुङको ज्यान गएको जिल्ला प्रहरी कार्यालय स्याङ्जाका प्रवक्ता प्रहरी नायव उपरिक्षक रबिन्द्र खनालले जानकारी दिनुभयो ।
आफ्नै घरको कोठामा मोबाइल चार्ज गर्ने क्रममा विजुलीको प्लगबाट करेन्ट लागेर गम्भीर घाइते भएकी बालिकाको प्राथमिक स्वास्थ केन्द्र वालिङमा उपचारको क्रममा मृत्यु भएको प्रहरीको भनाई छ । घटनाको अनुसन्धान भईरहेको प्रहरीले जनाएको छ ।

Facebook Comments Box