चापाकोट नगरपालिकाको बजेट ६५ करोड ६७ लाख १७ हजार ।

वालिङ, असार १० गते ।
स्याङ्जाका ११ वटा स्थानीय तहमध्ये १० वटाले मात्र आगामी आर्थिक वर्षका लागि बजेट सार्वजानिक गरेका छन् । अन्तरसरकारी वित्त व्यवस्थापन ऐनअनुसार हरेक स्थानीय तहले असार १० गतेभित्र आगामी आर्थिक वर्षका लागि बजेट ल्याउनुपर्ने कानुनी व्यवस्थाअनुसार यहाँका पालिकाहरुले बजेट गाउँ÷नगर सभामा प्रस्तुत गरेका हुन् ।
यसैबीच चापाकोट नगरपालिकाले पनि आइतबार ६५ करोड ६७ लाख १७ हजार ३ सयको बजेट ल्याएको छ । जसमा चालू तर्फ ४२ करोड १ लाख ६१ हजार ३ सय पुजिगत तर्फ २३ करोड ६५ लाख ५६ हजार कुल बजेट को चालू तर्फ ६३.९७ र पुजिगत तर्फ ३६.०२ प्रतिशत बजेट छुटाइएको नगरप्रमुख देब बहादुर खाँण ईश्वरले जानकारी दिनुभयो ।