तिब्र गतीमा चलाईएको भारतीय गाडी घर भित्रै पस्यो ।

वालिङ :
सिद्धार्थ राजमार्ग हुँदै पोखरा जाने र फर्कने भारतीय नम्वर प्लेटका गाडीहरुको प्राय निरन्तर चलिरहने गर्दछन । भारतीयहरुले राजमार्गमा अन्धाधुन्ध गाडी चलाउने गरेको भन्दै जनगुनाशो पनि आउने गर्दछ । जहाँ पायो त्यहीबाट ओभरट्याक गर्ने,बजार क्षेत्रमा गती अत्यधिक बनाउने गर्दछन् ।
शनिवार वालिङ नगरपालिका वडा नं. १० मा एचआर ५५ एएच ४५४८ नम्वरको गाडी राजमार्ग छेउको घर भित्रै पस्यो । स्थानीय पूर्णप्रसाद खनालको घरमा भारतीय गाडीले ठक्कर दिएको हो । दुर्घटनामा दुई जना भारतीय नागरिक घाईते भएकाछन् । अत्यधिक मदिरा सेवन गरेर अन्धधुन्ध गाडी चलाएको स्थानीयको भनाई छ । उद्धारका क्रममा गाडीभरी खाली रक्सीका बोटल मात्रै भेटिएको उनीहरुको भनाई छ । तस्बिर सौजन्य : हिमनिधि पंगेनी