मन्त्रीलाई ढुङ्गा हान्ने दुई युवालाई माफि मगाएर छाडियो ।

स्याङजा, वैशख २४ गते ।
गण्डकी प्रदेशका बिनाबिभागीय मन्त्री तथा गण्डकी प्रदेश सरकारका प्रवक्ता सरस्वती अर्याल तिवारी चढेको गाडीमा ढुङ्गा हान्ने दुई युवालाई माफ मगाएर छाडिएको छ । प्रदेश मन्त्री अर्याल चढेको बि ए ए ५२५ नं.को सवारी साधनमाथि शनिवार राती वालिङ १३ गाहेखोलामा ढुङ्गा प्रहार भएको थियो ।
वडा प्रहरी कार्यालय वालिङको टोलीले शनिवार राती नै आक्रमण गर्ने युवाहरुलाई पक्राउ गरेको थियो । आक्रमणमा मन्त्री अर्याललाई कुनै चोट लागेको थिएन भने सवारी साधनमा सामान्य क्षेती भएको मन्त्री अर्यालका स्वकीय दिक्षान्तप्रताप खाँणले जानकारी दिनुभयो ।
आईतबार भएको छलफलमा युवाहरुलाई सम्झाई बुझाई गरि छाडिएको काँंग्रेसका प्रदेश सभापति अर्जुन प्रसाद खनालले जानकारी दिनुभयो । उनीहरुले हामीले अन्जानमा गल्ती गर्न पुग्यौं भनेर माफ मागे त्यसैले सहमतीमा नै उनीहरुलाई छोडेका छौं उहाँले भन्नुभयो । सांकेतिक तस्बिर।

Facebook Comments Box